سەرەخۆشی عارف باوەجانی سەرۆکی پارتی سەربەستیی کوردستان. بۆ بنەماڵەی کۆچکردوو سەید موحەممەدی مەولەویزادە. سەرەخۆشی عارف باوەجانی سەرۆکی پارتی سەربەستیی کوردستان. بۆ بنەماڵەی کۆچکردوو سەید موحەممەدی مەولەویزادە.
صورة
بەرێزان گشت ئەندامانی بنەماڵەی بەرێز سەید موحەممەد تاوگۆزی.

بە داخەوە هەواڵی کۆچی دوایی باوکی بەرێز جەنابی (سەید محەممەد سەید ئەحمەد مەولەویزادە، کەسایەتی ناوداری هۆزی تاوەگۆزی و نەوەی مەولەوی شاعیری گەورەی کورد و پێشمەرگەی دێرینی گەلەمان پێگەیشت. بە بیستنی ئەم هەواڵە گەلێک خەمبار بووم. کەسایەتی سەید موحەممەد مرۆڤێکی نیشتیمانپەروەر و کەسایەتییەکی دیاری کۆمەڵایەتی و خۆشەویست بوو. من بۆ خۆم لە نزیکەوە چەندین جار لە هەست و سۆزی کوردایەتی و خزمایەتی بەرێزیان بێبەش نەبووم،  و خوالێخۆشبوو چەندین جار بە سەری کردوینتەوە.
هەر لەو بۆنە خەماوییەدا خۆم بە شەریک و هاوخەمی گشت ئەندامانی بنەماڵە بەرێزەکەتان دەزانم. لە خوای مەزن دەپارێمەوە بە بەهەشتی بەرین شادی بکات. سەبوریش بە بنەماڵەی بەرێزیشیان ببەخشێت.


بەرێزەوە
عارف باوەجانی / سەرۆکی پارتی سەربەستیی کوردستان.
٢٥ / ١  / ٢٠١٥

 
ڕێکه‌و 2015-01-26 11:28:51
به‌شی ( کولتوری )