بەشداری سەرۆکی پارتی سەربەستیی کوردستان لە ٥٠ هەمین کۆنگرەی ڕێکخراوی ئەتڵەنتیک هاڤەی سەر بە ناتۆ لە نەرویژ. بەشداری سەرۆکی پارتی سەربەستیی کوردستان لە ٥٠ هەمین کۆنگرەی ڕێکخراوی ئەتڵەنتیک هاڤەی سەر بە ناتۆ لە نەرویژ.
صورة

ڕێکخراوی نۆرشک ئەتڵەنتەرهاڤ کە ڕێکخراوی نەرویژی سەربە ناتۆیە، لە ڕۆژی ٢/٢/ ٢٠١٥  پەنجاهەمین کۆنگرەی ساڵانەی خۆی لە شاری ئۆسڵۆی پایتەختی نەرویژ بەڕێوە برد.
ئەو کۆنگرە بە بەشداری بەرێز ئێرنا سولبەرگ سەرۆکوەزیرانی وڵاتی نەرویژ و چەندین وەزیرو بەرپرسی باڵای ئەو وڵاتەو هەروەها باڵۆێزی چەندین وڵاتی جیهانی و بەرێز ئەلیکساندەر ڤەرشبوو جێگری سکرتێری گشتی ڕێکخراوی ناتۆ و چەندین بەرپرسی لایەنە سیاسی و سەربازی و نووسەرو پرۆفیسۆری جیهانی تێێدا بەشداربوون.
 بەرێز عارف باوەجانی سەرۆکی پارتی سەربەستیی کوردستان بە فەرمی بۆ ئەو کۆنگرە بانگهێشتکرابوو وەک تاکە لایەنێکی سیاسی کوردستانی چالاکانە و بە پۆشینی بەرگی کوردی لە کۆنگرەکە بەشدار بوو.
کۆنگرە کاتژمێر هەشت تا یانزەی پێشنیوەرۆ لە هۆڵی ئەنیسیتۆی خەڵاتی ئاشتی نۆبڵ لە ئۆسڵۆ بە ڕێوەچوو. پاشان بەشدارانی کۆنگرە کە ژمارەیان نزیک بە ٢٠٠ کەس دەبوو گوازرانەوە بۆ لانکۆڵن هۆتێل.  لەو کۆنگرەدا سەرۆکی پ س کوێرای بەشداری لە بەشی پرسیار و دێباتەکان و هێنانە نێوباسی ڕۆڵی کورد لە ناوچەکە و شەر لەگەڵ داعش. هاوکات لەگەڵ نۆێنەری چەندین لایەن ناسراوی وناونیشان گۆرینەوە بە مەبەستی کۆبوونەوەو دیداری تایبەت بە گەلی کورد و پارتی  سەربەستیی کوردستان دروستکرد. کە پێکهاتبوون لە باڵۆێزی ٧ وڵاتی گرنگی جیهان، نۆێنەرایەتی ٥ ڕێکخراوی سیاسی زانستی ئوروپی  و چەندین کەسایەتی چالاکی ناتۆ و نووسەر و پرۆفیسۆر.

شایانی ئاماژە پێکردنە بە هۆی چالاکی بەردەوامی پارتیمان و پەرەسەندنی پێوەندی دیپلوماتیەکان لە ئاست جیهاندا، لە داهاتوودا چەندین دیدار و چالاکی گرنگی دیکەی سەرکردایەتی پ س ک لە ئاست وڵات و ڕێکخراوە نێونەتەوەییەکان بەڕێوە دەچێت.

ناوەندی ڕاگەیاندنی پارتی سەربەستیی کوردستان.
٢ / ٢ / ٢٠١٥

www.psk2006.oeg      u     [email protected]
ڕێکه‌و 2015-02-02 13:04:49
به‌شی ( چالاکییه‌کان )