خه‌بات و تێکۆشانی ئێمه‌ له پێناوی ده‌وڵه‌تێکی سه‌ربه‌سته‌ بۆ گه‌لی کوردستان
In Kurdish
In English
In Farsi
In Arabic
 
کار و چالاکی ڕابردووی پارتیمان

ڕه‌نگاوڕه‌نگ


پەیامی نەورۆزانەی ئەنجوومەنی سەرکردایەتی پارتی سەربەستیی کوردستان، نەورۆز تینوجۆش بە بیرۆکەی سەربەخۆیی کوردستان دەدات. نەورۆزی ٢٧١٧ی کوردی.
کوردستانیانی تامەزرۆی سەروەری و سەربەخۆیی یەکجاری.

 صورة

هەموو ساڵێک بە هاتنی نەورۆز!  خۆشی و شادی و ڕووناکی و سەوزایی ڕوو بە وڵاتەکەمان دەکات، و مێژووە ناخۆش وپر لە کارەساتەکانمان بۆ چەند ساتێک لەبیر دەبات وبەروپۆشینی پووشاکی کوردەواری  و نەریتە نەورۆزیەکان سەرقاڵمان دەکات. هەروەها بیرۆکەی سەربەخۆی و سەروەری و ڕزگاری لە ژێر دەستی داگیرکەران دیسانەوە لەو وەرزەدا وەک گووڵ و گیای سەر چیاکان چرۆ دەکات.
ئەنجوومەنی سەرکردایەتی پارتی سەربەستیی کوردستان بەبۆنەی هاتنەوەی نەورۆز و ساڵی نۆی کوردەواری، واتە ساڵی٢٧١٧ی کوردی و٢٠١٧ی زاینی، پیرۆزبایی  ئاراستەی گشت ئێوە خەڵکی کوردستان و گشت ئەندامان و هاوبیرانی نەتەوەیی دەکات.

نەورۆز ئەو بۆنە گرنگەیە کە لە درێژایی مێژوودا ترس و تۆقاندنی بۆ داگیرکەرانی کوردستان  دروستکردوە، و هەمیشە هەوڵیانداوە ڕێگری لەو شادمانیەی گەلی کورد بکەن، بەڵام بە پێچەوانەوە هەموو ساڵێک سەرتاسەری کوردان و کوردستانیان لە سەر خاکی کوردستان و هەندەران بە گەرمی پێشوازیان لەم بۆنە نەتەوەییە دەکەن. بە تایبەت لە رۆژهەڵاتی کوردستان وێرای گشت ئاستەنگیەکان، بەڵام خەڵکی خۆراگری ئەو بەشەی وڵاتەداگیرکراوەکەمان بە مەبەستی گەیاندنی پەیامی خۆیان. لە ڕێگەی ئاهەنگ و گرتبوونەوەو هەڵبەست و دروشمی نەتەوەیی، پەیامی خۆیان بە گۆی بە داگیرکەرانی فارسی شۆفینیستی و پانئێرانیستی دەگەیەنن.
لەم  رۆژە خۆشەدا بانگێشەی تەبایی نێوان گشت و جێن وتۆیژ و لایەنە سیایەکانی رۆژهەڵاتی کوردستان دەکەین، و داوکارین کە هەموو پێکەوەو لە سایەی سەکۆی نەتەوەیی!  خەباتمان لە گشت بوارەکاندا هانبدەین بۆ ڕێخۆشکردن بەرەوسەربەخۆیی یەکجاری ورزگاری لە بندەستی و مافخوراوی.

با هیوادارو هیوابەخش بین کە ئاهەنگی نەورۆزی ساڵانی داهاتوومان، لە کوردستانێکی سەربەخۆ و سەرفرازدا و لە کرماشانی پایتەختی داهاتووماندا بگێرین.

جارێکی دیکە نەورۆز و ساڵی نۆێی کوردی لە هەموو کوردێکی ئەم جیهانە پیرۆز بێت.

ئەنجوومەنی سەرکردایەتی پارتی سه‌ربه‌ستیی کوردستان.

نەورۆزی ٢٧١٧ی کوردی ٢٠١٧ی زاینی

نووسه‌ر‌‌ : ناوەندی ڕاگەیاندنی پارتی سەربەستیی کوردستان
ڕێکه‌وتی: : 2017-03-18 01:11:19
ئه‌و بابه‌ته‌ : 1101 خوێندراوه‌ته‌وه‌‌
 
 
■ مافی کۆپیکردنی وتار و وێنه‌.

ئه‌و بابه‌تانه‌ی ناوه‌ندی ڕاگه‌یاندنی پارتی سه‌ربه‌ستیی کوردستان خاوه‌ندارێتیان ده‌کاتن، ئازادن بۆ بڵاو کردنه‌وه‌ و کۆپی کردنه‌وه‌، ئه‌گه‌ر مه‌به‌ست به خزمه‌تکردن به نه‌ته‌وه‌‌که‌مان بێت، به مه‌رجێک ئاماژه‌ به سه‌رچاوه‌که‌ی بکرێ. 

 
■ زانیاری په‌یوه‌ندی بۆ به‌شی ڕاگه‌یاندن
مه‌کته‌بی سه‌رکردایه‌تی پارتیمان له ئۆسلۆی پایته‌ختی نه‌رویجه‌، هه‌روه‌ها پارتیمان له وڵاته‌کانی دیکه‌ی ئه‌وروپا له به‌رنامه‌دا هه‌یه‌ که ئۆفیسی خۆی بکاته‌وه‌.