خه‌بات و تێکۆشانی ئێمه‌ له پێناوی ده‌وڵه‌تێکی سه‌ربه‌سته‌ بۆ گه‌لی کوردستان
In Kurdish
In English
In Farsi
In Arabic
 
کار و چالاکی ڕابردووی پارتیمان

ڕه‌نگاوڕه‌نگ


ڕاگەیاندراوی ئەنجومەنی سەرکردایەتی پارتی سەربەستیی کوردستان، بە بۆنەی ١٠ی خاکەلێوە رۆژی شەهیدانی کوردستان.
ڕاگەیاندراوی ئەنجومەنی سەرکردایەتی پارتی سەربەستیی کوردستان، بە بۆنەی ١٠ی خاکەلێوە رۆژی شەهیدانی کوردستان.

صورة

هاوڵاتیانی تامەزرۆی سەربەخۆیی کوردستان!

نیشتیمانەکەمان گەلێک مێژووی زێرینی هەیە کە بۆ هەمیشە شانازی پێوە دەکەین و یادی لێدەکەینەوە. هەروەها گەلێک رۆژیشمان هەیە کە رۆژی کارەسات و ناخۆشییەکانی مێژووی خۆراگری گەلمانە. ئەمرۆ دەی خاکەلێوە یادی ٧٠ساڵەی لە سێدارەدانی پێشەوای مەزن و سەرۆککۆماری کوردستان قازی موحەممەدە.

پێشەوا قازی موحەممەد ئەو مرۆڤە مەزن و هۆشیارەی گەلەکەمان بوو کە ٧٠ ساڵ پێش بە تاوانی دروستکردنی دەوڵەتی سەربەخۆیی کوردستان لە گەڵ هەڤاڵانی لە لایەن حکومەتی شاهەنشایی  ئێرانەوە لە سێدارەدا.

ئەنجومەنی سەرکردایەتی پارتی سه‌ربه‌ستیی کوردستان، ئەم یاده‌ ماته‌مینه‌ی شه‌هیدانی سه‌ربه‌رزی کۆماری کوردستان، بە یەکێک لە گەورەترین و گرنگترین ڕووداوەکانی مێژووی جووڵانەوەی گەلەکەمان دەزانێت ، ڕۆژی شەهیدبوونی پێشەوا و هەڤاڵانی بە ڕۆژی بیرکردنەوەی زیاتر و ئامادەکاری زیاتر، بۆ خەبات لە پێناو نۆێکردنەوەی دەوڵەتێکی دیکەی سەربەخۆیی کوردستان دەزانین.

هەر لەم ڕۆژە ماتەمینە کە ڕۆژی لە دەستدانی سەرۆککۆماری کوردستانە، بانگێشەی گشت  لایەنەکانی کوردستانی دەکەین، کە با پاش ٧٠ ساڵ بە سەر شەهیدبوونی پێشەوای هەرگیز نەمرمان، ڕێباری پێشەوا قازی موحەممەد واتە خەبات بۆ دەوڵەتی سەربەخۆیی کوردستان بکەن بە هەوێنی خەباتیان.
هەر لەم ساڵیادەشدا پشتیوانی خۆمان بۆ کەمپینی ١٠ی خاکەلێوە بکرێت بە رۆژی شەهیدانی هەموو کوردستان نۆی دەکەینەوە، داوا دەکەین لە پەرەلەمان و سەرۆکایەتی و هەرێمی باشوری کوردستان و گشت لایەنە سیاسییەکانی کوردستانی، کە دەی خاکەلێوە بە رۆژی هەموو شەهیدانی کوردستان بناسرێت.

نه‌مری و سه‌ربه‌رزی بۆ گشت شه‌هیدانی کۆماری کوردستان,بە هیوای خەباتی بەردەوام بۆ وە دەرنانی داگیرکەران لە سەرخاکی کوردستان و ڕاگەیاندنی دەوڵەتی سەربەخۆیی کوردستان.

ئەنجومەنی سەرکردایەتی پارتی سه‌ربه‌ستیی کوردستان

١٠ی خاکه‌لێوه‌ی ٢٧١٧ی کوردی.  ٣٠ / ٣ / ٢٠١٧ی زاینی.

 

 

 

نووسه‌ر‌‌ : ئەنجوومەنی سەرکردایەتی پارتی سەربەستیی کوردستان.
ڕێکه‌وتی: : 2017-03-30 01:38:30
ئه‌و بابه‌ته‌ : 688 خوێندراوه‌ته‌وه‌‌
 
 
■ مافی کۆپیکردنی وتار و وێنه‌.

ئه‌و بابه‌تانه‌ی ناوه‌ندی ڕاگه‌یاندنی پارتی سه‌ربه‌ستیی کوردستان خاوه‌ندارێتیان ده‌کاتن، ئازادن بۆ بڵاو کردنه‌وه‌ و کۆپی کردنه‌وه‌، ئه‌گه‌ر مه‌به‌ست به خزمه‌تکردن به نه‌ته‌وه‌‌که‌مان بێت، به مه‌رجێک ئاماژه‌ به سه‌رچاوه‌که‌ی بکرێ. 

 
■ زانیاری په‌یوه‌ندی بۆ به‌شی ڕاگه‌یاندن
مه‌کته‌بی سه‌رکردایه‌تی پارتیمان له ئۆسلۆی پایته‌ختی نه‌رویجه‌، هه‌روه‌ها پارتیمان له وڵاته‌کانی دیکه‌ی ئه‌وروپا له به‌رنامه‌دا هه‌یه‌ که ئۆفیسی خۆی بکاته‌وه‌.