هێرشی فڕۆكه‌كانی توركیا بۆ سه‌ر ناوچەکانی کوردستان ئیدانه‌ ده‌كه‌ین. ئەنجومەنی سەرکردایەتی پارتی سەربەستیی کوردستان. هێرشی فڕۆكه‌كانی توركیا بۆ سه‌ر ناوچەکانی کوردستان ئیدانه‌ ده‌كه‌ین.
ئەنجومەنی سەرکردایەتی پارتی سەربەستیی کوردستان.
صورة

بە داخەوە دیسانەوە خاکی کوردستان کەوتەوە بەرپەلاماری بێبەزەییانەی فرۆکەکانی وڵاتانی داگیرکەری کوردستان. لە به‌ره‌به‌یانی ڕۆژی 25-4-2017  فڕۆكه‌ جه‌نگییه‌كانی توركیا وەک پێشەی هەمیشەییان له‌چه‌ند هێرشێكی دڕندانه‌دا بنكه‌ و باره‌گاكانی پێشمه‌رگه‌ و گەریلا و شه‌ڕڤانانیان له‌ چیای شنگال و چیای قه‌ره‌چووغی سه‌ربه‌ناوچه‌ی دێریكی رۆژئاوای كوردستان بۆردومان كرد.  و له ‌ئه‌نجامدا ژماره‌یه‌ك پێشمه‌رگه‌ و شه‌ڕڤان شه‌هید و برینداربوون. 

پارتی سەربەستیی کوردستان بە تووندی ئیدانەی ئەم پەلامارە درندانەی هێزەکانی تورکیا دەکات. داوا لە گشت وڵات و ڕێکخراو چاودێرانی جیهانی دەکەین، کە هەڵویستیان هەبێت لە بەرامبەر پەلامارەکانی ڕێژیمی دژە کوردی تورکیا وپێشێلکاری سنوور بەزاندنیان. مخابن دوژمنانی کوردستان لە کاتی پەلاماردانی خاکی کوردستاندا هیچ یاسایەک بۆ سنووری یەکتر نازانن و دەرگایان لە ئاست پەلاماردان و هێرشکردنە سەر کوردستان ئاواڵەیە.
باشوری کوردستان بەو دەسکەوتە سیاسییانەی کە لە ئاست کوردستان و دیپلوماتیەتی جیهانی بە دەستی هێناو، بووەتە رووناکی و دڵخۆشی بەشەکانی دیکەی خاکداگیرکراوی کوردستان، هەر بۆیەش بەردەوام برو بیانووی لە لایەن داگیرکەرانەوە بۆ دەبینرێتەوە و دەکەوێتە بەر هێرشی درندانەیان.

لە کاتێکدا کە ئیستا پێشمەرگە نەبەزەکانی کوردستان و شەرەڤانان و گەریلاکانی سەر چیا، بەردەوام شەری گەورەترین تروریستی جیهانی دەکەن،  و بەرگری لە ئەمنیەت و ئاسایشی جیهانی دەکەن، کە چی جیهان لە ئاست ئەو پەلامارەی تورکیا بێدەنگی هەڵبژاردوە.

لە کۆتاییدا وەک پارتی سەربەستیی کوردستان داواکارین لە گشت لایەنە سیاسیەکانی باکورو باشوری کوردستان، کە بە رۆحی نەتەوەیی و کوردانەو برایانە!  ڕێکەون لە سەر ئەوەی کە بیانووەکانی داگیرکەران بنبر بکەنە، بنکەو بارەگاکانیان لە شۆینی تایبەتی خەبات و خزمەتی خۆیان بێت، دوور بێت لە شۆینی ژیانی رۆژانەی خەڵک .

سەربەرزی و سەروەری بۆ بنەماڵەی شەهیدانی رێگاری سەربەخۆیی کوردستان،
مردن و سەرشۆری بۆ داگیرکەران و نەیارانی کوردستان.

ئەنجوومەنی سەرکردایەتی پارتی سەربەستیی کوردستان.
٢٦ / ٤ / ٢٠١٧
www.psk2006.org
ڕێکه‌و 2017-04-26 04:20:47
به‌شی ( ده‌نگوباس )