سەرەخۆشینامەی ئەنجوومەنی سەرکردایەتی پارتی سەربەستیی کوردستان، بە بۆنەی کۆچی دوایی بەڕێز نەوشیروان موستەف ئەمین ڕێکخەری گشتی بزووتنەوەی گۆران. سەرەخۆشینامەی ئەنجوومەنی سەرکردایەتی پارتی سەربەستیی کوردستان، بە بۆنەی کۆچی دوایی بەڕێز  نەوشیروان موستەف ئەمین ڕێکخەری گشتی بزووتنەوەی گۆران.

 صورة

بەداخ و پەژارەوە  بەرەبەیانی ئەمرۆ  ٢٩ی بانەمەری ٢٧١٧ی کوردی بەرامبەر بە ١٩ی مای ٢٠١٧ ی زاینی هەواڵی کۆچی دوایی کەسایەتی سیاسی و ڕووناکبیری دێرنی گەلەکەمان، بەرێز  نەوشیروان موستەفا ڕێکخەری گشتی بزووتنەوەی گۆرانمان پێگەیشت.
ئەم هەواڵە وەک هەواڵی لە دەستدانی کەسایەتی و سەرکردەکانی دیکەی پێشووی گەلەکەمان خەمباریکردین،  وا دیسان کەسایەتییەکی دیکەی خەباتگێری گەلەکەمان کە زیاد لە ٥٠  ساڵە لە گۆرەپانی خەبات و تێکۆشانە ماڵئاوایی لێکردین.
بەڕێز نەوشیروان موستەفا ئەمین وێرای ئەوەی کە زیاد لە نیوسەدە  خەبات و تێکۆشانی هەیە، هاوکات خاوەنی دەیان پەرتووکی گرنگە لە مێژووی جووڵانەوەی گەلەکەمان.

ئەنجوومەنی سەرکردایەتی پارتی سەربەستیی کوردستان، وێرای بە داخبوون بۆ کۆچی دوایی ئەم کەسایەتییە دیارە لە مێژووی گەلەکەمان لە باشوری کوردستان،  سەرەخۆشی ئاراستەی جڤاکی نیشتیمانی و گشت ئەندامانی بزووتنەوەی گۆران، هەروەها  بنەماڵەو کەس و کار  وگشت هەڤاڵە نزیکەکانی  کاک نەوشیروان موستەفا دەکات.

هیوای سەبوری بۆ گشت هەڤاڵان و بنەماڵەی کۆچکردوو دەخوازین.

 

ئەنجوومەنی سەرکردایەتی پارتی سەربەستیی کوردستان
٢٩ی بانەمەری ٢٧١٧ی کوردی.  ١٩/٥/ ٢٠١٧

 
ڕێکه‌و 2017-05-20 03:19:23
به‌شی ( ده‌نگوباس )