بەشداری پارتی سەربەستیی کوردستان لە خۆپێشاندان بۆ ناروونی چارەنووسی سەرۆک ئاپۆ. بەشداری پارتی سەربەستیی کوردستان لە خۆپێشاندان بۆ ناروونی چارەنووسی سەرۆک ئاپۆ.


ماوەی چەند ساڵێکە لە لایەن ڕێژیمی تورکیاوە ڕێگا نادرێت کە پارێزەرانی سەردانی بە بەرێز عەبدوڵا ئۆجەلان بکەن، بۆ ئاگاداربوون لە سەر  پەیام و بۆچوونەکانی ، وهەروەها بۆ  ئاگاداربوون لە بواری لەشساغی بەڕێزیانەوە. هەر لەو پێوەندییەشدا ماوەیەکە پروپاگەندەو هەواڵی ناخۆش لە سەر مان و نەمانی بەرێزیان لە میدیاکانی تورکیا بڵاو دەکرێتەوە.
کوردانی تاراوگە نشین لە شاری ئۆسڵۆی پایتەختی نۆرویژ و دەوروبەر، ئەمرۆ ١٦ / ١٠ / ٢٠١٧ لە ناوەندی شاری ئۆسڵۆ تا بەر دەرکی پەرلەمانی نەرویج خۆپێشاندانێکی ئارامیان بە ڕێخست، و  داوایان لە وڵاتی نەرویج و ڕێکخراوەکانی ئەو وڵاتەکرد، کە پشتیوانی گەلی کوردبن بۆ زانیاری لە سەر بەڕێز سەرۆک ئاپۆ. شاندێکی پارتی سەربەستیی کوردستان، بە سەرپەرەستی کاروخ باوەجانی، لەو خۆپێشاندانە بە پێشکەشکردنی وتار  بەشداریان کرد.

ناوەندی ڕاگەیاندنی پارتی سەربەستیی کوردستان
١٦ / ١٠ / ٢٠١٧
ڕێکه‌و 2017-10-16 13:25:54
به‌شی ( ده‌نگوباس )