ئەنجوومەنی سەرکردایەتی پارتی سەربەستی کوردستان، ئیدانەی توندی هێرەشەکانی تورکیا دەکات بۆ سەر کوردستان ئەنجوومەنی سەرکردایەتی پارتی سەربەستی کوردستان، ئیدانەی توندی هێرەشەکانی تورکیا دەکات بۆ سەر کوردستان.

صورة

ڕای گشتی کوردستانیانی، بەتایبەت خوشک و برایانی وڵاتداگیرکراومان لە ڕۆژئاوای کوردستان.

کۆڕ و کۆمەڵانی مرۆڤدۆستی جیهانی.

بەداخەوە وەک پێشەی هەمێشەیی دژایەتی کردنی  ڕێژیمە یەک لە دوای یەکەکانی تورکیا  بەرامبەر بە گەلی کورد.  ئەمڕۆ ٢٠ / ١ / ٢٠١٨ بۆ جارێکی دێکە  هێزەکانی تورکیا لە ڕێگەی تۆپبارانەوە هێرشیان کردە سەرشاری عەفرینی  ڕۆژئاوای کوردستان،  کە بەداخ و کەسەرەوە بە دەیانکەس لە خەڵکی مەدەنی شەهید و بریندارکراون.
لە کاتێکدا کە گەلی کورد لە ڕۆژئاوای کوردستان، هەمیشە هەوڵی ئەوەی داوە لە چوارچێوەی دەسەڵاتی کوردی لە ناوچە کوردییەکان ئارامی و ئاسایش دابین بکات، بەڵام دەوڵەتی تورکیا هەرگیز پێێ قەبووڵ نییە کە کورد لە هیچ بەشێکی خاکە داگیرکراو دابەشكراوەکەی خۆی دەسەڵاتی خۆبەڕێوەبەریشی هەبێت. ئەو دەستکەوتەی رۆژئاوا  بەردەوام لە لایەن تورکیاوە گێچەڵی پێدەکرێت بە بیانووی ناڕاست. هەروەک هەمیشە ناوچە سنووریەکانی باشور و ڕۆژهەڵاتی کوردستانیش تۆپباران دەکات، بە بیانووی بوونی لایەنی دژیان.

ئەنجوومەنی سەرکردایەتی پارتی سەربەستیی کوردستان، بە تووندی ئیدانەی ئەو هێرشە دڕندانەو دور لە مرۆڤایەتییەی تورکیا دەکەن. داوا لە گشت  وڵات وڕێکخراوە گرنگەکانی جیهان دەکەین، کە  لە بەرامبەر ئەو جینایەتەی تورکیا هەڵویستیان هەبێت، و ڕێگە نەدەن چیدیکە ڕٶڵەکانی گەلی کورد ببنە قوربانی سیاسەتی ڕەگەزپەرەستی و دژەکوردی ئەووڵاتە.

پارتی سەربەستی وەک پارتێکی نەتەوەیی کوردستانی و بە ئەرکی سەرشانی خۆی دەزانێت لە هەموو بوارێکدا پشتیوانی لە ڕۆژئاوای کوردستان بکات. لە ڕێگەی ئەم بانگەوازەشەوە سەرەخۆشی خۆمان ئاراستەی گشت قوربانیانی کارەساتەکەئ ئەمرۆ دەکەین. و هیوای چاکبوونەوەی بەخێرا  بۆ بریندارەکانیش دەخوازین.

ئەنجوومەنی سەرکردایەتی
پارتی سەربەستیی کوردستان
٢٠ / ١ / ٢٠١٨

 

 

 
ڕێکه‌و 2018-01-20 18:20:12
به‌شی ( ده‌نگوباس )