بەشداری پ س ک لە ٢ کەرنەڤاڵی نەورۆز لە شارەکانی کارلستاد ئۆرەبروی وڵاتی سوید.

بەشداری پ س ک لە ٢ کەرنەڤاڵی نەورۆز لە شارەکانی کارلستاد  ئۆرەبروی وڵاتی سوید.

    


بەبۆنەی هاتنی جەژنی نەورۆز و سەری ساڵی کوردەورای، کوردستانیانی تاراوگە نشین هەمیشە بە خرۆشەوە شانبەشانی هاوڵاتیانیان لە کوردستانی داگیرکراو بەرەو پیری نەورۆز دەڕۆن.ئەمڕۆ ئێوارەی نەورۆزی ٢٧١٨ی کوردی، لە هەر دوو شارەکانی کارلستاد و  ئورەبرۆ، بە کەرنەڤاڵی جەماوەری بە کردنەوەی ئاگر، لە دەوری یەک بە گردبوونەوەو گۆرانی و شادی پێشوازی لە نەورۆزی ئەمساڵ کرا. کوردستانیانی دەرەوەی وڵات ئەو پەیامەیان بە نەیارانی کوردستان گەیاند، کە ئەگەر بە داگیرکردنی کەرکوک و عەفرین وا تێبگەن گەلی کورد بەرەو زەلیلی دەبەن، ئەوا زۆر لە هەڵەدان. گەلی کورد هەرگیز لە بەرامبەر نەهامەتییەکان بە چۆکدا نەهاتووەو رۆژە مێژوویەکانی بەرز ڕاگرتووە.

لە شاری ئۆرەبرو ئەندامانی پارتیمان بە سەرپەرەستی بەڕێز ماکوان میرزایی ئەندامی کۆمیتەی پ س ک لە سوید،  بەشداربوون، بەڕێز ماکوان کە یەکێک بوو لە پێکهێنەرانی ئەو ئاهەنگە بە وتارێک لەو کەرنەڤاڵە بەشداریکرد.
هەروەها لە شاری کارلستاد چەندین ئەندامی پارتەکەمان بە سەرپەرەستی بەڕێز سەفین کەریمی، لەو  ئەو ئاهەنگەدا بە بەشداری سەدان هاوڵاتی کوردستانی نەورۆز پیرۆزکرا.

 

دەقی قسەکانی بەڕێز ماکوان میرزایی.






کوردستانیانی خۆشەویست لە گشت جیهاندا
کوردستانیانی  دانیشتووانی وڵاتی سوید.

لەگەڵ گەشانەوە و ڕازانەوەی ناوچە جوان و دڵگیرەکانی کوردستان لە وەرزی بەهاردا، هەمیشە ئەو چاوەروانیەمان وەبیردێنێتەوە کە دەبێت لە بەهارێکدا ئاهەنگی٢جار شادی بگێرین، یەکیان رزگاری و سەربەخۆیی یەکجاریمان، ئەوی دیکەش وەک نەریتی ساڵانە بەرەو پیری ساڵی نۆیی گەلە خاوەن فەرهەنگ و مێژووەکەمانە.
بە داخەوە لە کاتێکدا کە سەرقاڵی پێشوازی نەورۆزی ئەم ساڵمان بووین، وەک هیندیك لە نەورۆزەکانی پێشووترمان، تووشی کارەساتی نۆێ بووین، ئەویش داگیرکاری شاری عەفرینی رۆژ ئاوای کوردستانە.
بەڵام هەرگیز ئەم کارەسات و هەرەشانە نەیتوانیوە نەورۆزی کوردەواری بترسێنێت، بە پێچەوانەوە شەقام و شاری کوردی زیاتر بەرەو پیری نەورۆزەوە دەڕوات.
هەروەک ئەمرۆ سەرەرای بوونی هەزاران لە هێزەکانی میلیشایی ئێراقی و ئێرانی لە شاری کەرکوکی هەمێشە کوردستان، بەڵام لاوانی ئەو شارە بە ئاڵای کوردستانەوە لە سەر قڵای کەرک نەورۆزیان پیرۆزکرد.
ڕٶژهەڵاتی کوردستان، سەرەرای تەواو میلیتاریزەبوونی لە لایەن ئێرانی داگیرکەرەوە. بە گشت شار و گووند  و ناوچەیەکەوە بە پووشاکی ڕەسەنی کوردەواری و  سرودی نەتەوەییەوە هەموو سیمبوولەکانی کوردەواری نەورۆزیان پیرۆزکرد.


کوردستانیانی وڵاتداگیرکراوی خۆشەویست:
 پارتی ئێمە واتە پارتی سەربەستیی کوردستان، هەمێشە ئەو ڕاستییەی ئاراستەی گەلەکەی کردوەو دەیکات.هەروەک لە پەیامە نەورۆزییەکەی کاک عارف باوەجانی سەرۆکی گشتیشماندا هاتووە،کە تەنیا سەربەخۆیی زامنی پاراستنی ژیان و ئارامی کوردستانیانە. نەک مانەوە لەگەڵ داگیرکەران لە ژێر هەر ناو ناتۆرەیەک بێت.
هیوادارم لەم رۆژە پێرۆزەدا، لاوانی ناسیونالیزمی ڕۆژهەڵاتی کوردستانەکەم،
لە کرماشانی پایتەخت، لە ئیلام بوکی زاگرۆز، لە موکریانی مەکۆی کۆماری کوردستان، لە سنەی قارەمان، لە ورمێ سمکۆکان، لە لورستانی فرە کولتور و جوان. کە یارو یاوەری بیری سەربەخۆیی کوردستان بن تا ئاستی ڕزگاری یەکجاریمان لە ژێر چنگی فارسی داگیرکەر لە تارانەوە
.

جارێکی دیکە نەورۆز و ساڵی نۆێی کوردی لە هەموو کوردێکی ئەم جیهانە پیرۆز بێت.
بەڕێزەوە
ماکوان میرزایی/   کۆمیتەی سویدی سه‌رۆکی پارتی سه‌ربه‌ستیی کوردستان.





ڕێکه‌و 2018-03-20 20:52:45
به‌شی ( چالاکییه‌کان )