ڕەوەندی کورد لە نۆروێژ بۆ جارێکی دیکەش یەکدەنگ سیاسەتی تیڕۆر و سەرکوت و زەبروزەنگی ک

ڕەوەندی  کورد لە نۆروێژ بۆ جارێکی دیکەش یەکدەنگ سیاسەتی تیڕۆر و سەرکوت و زەبروزەنگی کۆماری ئیسلامی بە دژی تێکۆشەرانی کورد لە نێوخۆ ودەرەوەی کوردستان مەحكوم کرد.






 

 

 

 

 

 

 

 

 

 

 

 

 

لەسەر داوای  کۆمیتەی هاوکاری حیزب و رێكخراوە سیاسی و فەرهەنگی و کولتوریەکانی ڕۆژهەڵاتی کوردستان لە نۆروێژ، ئەمڕۆ شەممە، ڕیکەوتی ٢٤ی مانگی مارسی ٢٠١٨ی زاینی، رەوەندی کورد لە نۆروێژ، ڕێپێوانێکی ئیعترازی و هێمنانەیان، بە مەبەستی مەحکوم  کردنی سیاسەتی  تیرۆر وسەرکوت و زەبروزەنگی کۆماری ئیسلامی لە نێوخۆ و دەرەوەی کوردستان و لەقاودانی بێدەنگی و بێ هەلوێستی بیروڕای گشتی و ناوەندە بڕیاردەرەکان، بەرێوەبرد.

کاتژمێر ١٢ی نێوەڕۆ کوردستانیانی دانیشوتی نۆروێژ لە مەیدانی وێستگەی سەرەکی شەمەندەفەری ئۆسلۆ لە دەوری یەکتر کۆبونەوە. پاشان بە بەرزکردنەوەی دروشم و پلاکارتی جۆراو جۆر و  شوعاردان بە شەقامە سەرەکیەکانی  شاری ئۆسلۆدا، بەرەو پاڕلەمانی نۆروێژ وەڕیکەتن.

لە کاتی تێپەڕین بە شەقامەکانی نێوشاری ئۆسلۆدا،  دروشم و پەیامەکانی خۆپێشاندەران  سەرنجی  هەزاران کەس لە خەڵکی ئۆسلۆیان بۆلای خۆیان ڕادەکێشا.  بەتایبەتی لە کاتێکدا کە خەڵکەکەدا پێکەوە سرودی ئەی شەهیدانیان دەوتەوە، زۆربوون ئەوخەڵکەی بە نیشانەی هاوپێوەندی دەگەڵ خۆپێشاندەران ئیحساساتی خۆیان نیشاندەدا. ئەوە لە حاڵیکدا بوو کە پۆلیس لە پێشەوەی خۆپێشاندانەکەوە بەمەبەستی پاراستنی نەزم و هەروەها ئەمنیەتی خۆپێشاندەران حەرەکەتی دەکرد.

لە رێزی پێشەوەی خۆ پێشاندانەکەدا، ئارم و لۆگۆی هەموو حیزب و رێکخراوەکانی بەشدار بەرچاودەکەوت.. جگە لەوە ئاڵای کوردستان و وێنەی شەهیدانی کوردستان کە قوربانی دەستی  ئیعدام وتیرۆری کۆماری ئیسلامین، بەدەستی خۆ پێشاندەرەکانەوە دەبینران.

دواتر ئاپۆرای خەڵکەکە لە بەردەرگای پەڕلەمانی نۆروێژ کۆبونەوەو میتینگێکی سیاسی و ئعتڕازیان بەرێوە برد.  لەسەر داوای کاک قادر عەزیز بەگی ، نوێنەری کۆمیتەی بەرێوەبەری میتینگەکە،  دوای ڕاگرتنی دەقیقەیەک بێ دەنگی بۆ رێزگرتن لە گیانی پاکی شەهیدانی کوردستان، لەسەرەتای بەرنامەکەدا، بەشداران پێکەوە سرودی نەتەوایەتی  و میللی ئەی ڕەقیبیان بەدەنگی بەرز گوتەوە. پاشان بڕیارنامەی خۆپێشاندەران بەزمانی کوردی لە لایەن کاک  هیوا خورەم  خوێنرایەوە. دواتر هەمان بڕیارنامە بە زمانی نۆروێژی لە لایەن خوشکە بەفرین ڕۆستەمی  خوێنرایەوە.  دوای ئەوە بریارنامەکە بەزمانی فارسی  لە لایەن  ئیدریس کەریمی  خوێنرایەوە. لە بەشیکی دیکە  بەرنامەکدا یەکێک لە ئەندامانی پاڕلەمانی نۆروێژ بەناوی Freddy Øvestehård   پشتیوانی خۆی لە داخوازەکانی

نۆروێژ بەناوی Freddy Øvestehård    پشتیوانی خۆی لە داخوازەکانی ڕەوەندی کوردی  نیشاندا و سیاسەتی تیرۆر و تۆقاندنی کۆماری ئیسلامی ئێرانی بە دژی تێکۆشەرانی کورد مەحکوم کرد و داوای لە دەوڵەتی نۆروێژ کرد، لە پێوەندی دەگەڵ  دیفاع لە ماف و ئازادیەکانی خەڵکی کوردستاندا پتر فەعال بێت و لە تواناو ئیمکاناتی دەوڵەتی نۆروێژ لە ناوەندە جیهانیەکان و کۆریدۆرە دێپلۆماسیەکاندا، بۆ ئەو مەبەستە کەلکێ پێویست وەرگرێ.

دەبێ بگوترێ لە بڕیارنامەکەی خۆپێشاندەراندا، جگەلەوەی سیاسەتی سەرکوت و ئێعدام و زەبروزەنگی کۆماری ئیسلامی  لە کوردستانی ئیران مەحکوم کرابوو، نێگەرانیش بەرامبەر وەگەرکەوتنەوەی ماشینی تیڕۆری کۆماری ئیسلامی بەدژی تێکۆشەرانی کورد لە باشوری کوردستان نیشان درابوو. لەوەش زیاتر داوا لە حکومەتی هەرێمی کوردستان و بیرورای گشتی خەڵکی کوردستان کرابوو نەیەڵن کۆماری ئیسلامی جارێکی دیکە کوردستانی باشور بکاتە قەتڵگای تێکۆشەرانی کوردی نێو ریزەکانی ئۆپۆزیۆنی رێژیم.

دەبێ بگوتڕی کۆمیتەی هاوکاری حیزب و رێکخراوەکانی کوردستان، پارتی دێموکراتی کوردستان، یەکیەتی نیشتمانی کوردستان، گۆڕان، پارتی دێموکراتی کوردستان لە باکوڕ  جگەلەوەی لەو حەرەکەتە ئیعتڕازیەدا بەشداربوون، پەیامی هاوپێوەندیی و پشتیوانی خۆشیان بۆ کۆمیتەی بەرێوەبەری خۆ پێشاندانەکە نارەدبوو کە لەکاتی بەرێوەچونی بەرنامەکەدا ئیشارەی پێکرا.

دەستەی بەرێوەبەری خۆ پێشاندانەکە سوپاسی هەموو خوشک و برایانی کورد لە ئۆسلۆ و دەوروبەردەکات کە لە خۆپێشاندانە بەشدار بوون. بەتایبەتی ئەو بەشە لە هاونیشتمانیانیئ کورد کە لەشار و ناوچە جۆراوجۆرەکانی دەرەوەی ئۆسلۆوە خۆیان گەندبوو شوێنی رێپێوانەکە.

حیزب و رێکخراوەکانی پێکهێنەری ئەو خۆ پێشاندانە بریتین لە:

حیزبی دێموکراتی کوردستانی ئێران

 کۆمەڵەی شۆرشگێڕی زەحمەتکێشانی کوردستانی ئێڕان

 حیزبی دێموکراتی کوردستان

پارتی سەربەستیی کوردستان

پارتی ئازادیی کوردستان

 حیزبی کمونیستی ئێران ،لقی کوردستان

سازمانی خەباتی کوردستانی ئێران

 کۆمەڵەی زەحمەتکێشانی کوردستان

 ڕێکخراوی خەباتی شۆرشگێڕی کوردستان

 سازمانی یاری کورد (یارسان) ڕێکخراوی دێموکراتیکی یارسان
ڕێکه‌و 2018-03-25 13:00:54
به‌شی ( ده‌نگوباس )