وڵامێك بۆ چەند پرسیار و گلێیەکی سەیر¬؟

وڵامێك بۆ چەند پرسیار و گلێیەکی سەیر¬؟

34396121_10212245940605336_4559923884324814848_n

 

چەند هاوڕێیەکی بە ناو دیموکراسیخواز و ڕۆشنبیرم، دەڵێن ئەگەر نەبیتە هاوبەش ( شەریک)ە شەر وجنێوی کۆڵانی ئێمە بەرامبەر بە بەرپرسان و تێکۆشەرە دێرینەکان، ئەوا تۆش دژی بەرەی گەل و خاینی؟ 
گەلۆ: بڵێی شانازی لە بەرەی گەلبوون! جنێودان و تەشهیرکردن بووبێت، من نەمزانی بێت؟ یا بە ڕاست هەوڵدان بۆ تەبایی و برایی و یەکریزی ماڵی کورد لە بەرەی گەلبوونە. 
بەو بەڕێزانە دەڵێم من کەسێکی نەتەوەییم و باوەری تەواوم بە خەباتی نەتەوەی و سەربەخۆخوازییە. مرۆڤی نەتەوەیش نابێت هاندەربێت بۆ تێکدانی یەکێتی و یەکریزی ماڵی کورد.
هەر شێوە پرۆژە و هەوڵدانێک لە پێناو سەربەخۆیی، ئەگەر بە ١٠٠ جاریش کۆسپی بۆ دروستبکرێت و ڕاگیرێت، نابێت بەو گەلەکۆمانەی دوژنمان و نەیارانمان بکەوینە بیانوو پشت لە پرۆسەکە بکەینەوە، دەبێت بە داگیرکەران بسەلمێنین کە تا گەیشتن بە لووتکەی سەربەخۆیی کۆڵنادەین. 
لای منیش سەرکردە ڕاستگۆ و تێکۆشەرو دڵسۆز نیشتیمانپەروەرەکان جیگەی رێز و شانازین، بەو ماناش نییە بێ کەم و کوری بووبن، هیچ بەرپرس و ڕێکخراوێک لە ناوچەکانی ئاسیای گەورە و ئەفریقا، بە تایبەتیش لە رۆژهەڵاتی ناوەڕاست نییە کە بە هۆی ئەو نەریتەی ناوچەکە بێکەموکوری نەبووبێت، بە خۆزگە و شەر و جنێویش هەموو شتێک لە نێو ئەو کولتورەی ناوچەکانی رۆژهەڵاتی ناڤین ناگۆردرێت.هەروا ئاسانیش نییە کە ئێمەی کورد نموونەبین لە ناوچەکە، تا نەبینە خاوەنی کیانێکی سەربەخۆیی و نەبینە خاوەنی یاسای خۆمان، ناتوانین زۆر هەنگاو بنێین. کاتێک خاوەنی حکومەت و یاسای خۆمان بین، ئەو کات دەتوانین لە باخچەی زارۆکانەوە دەستبکەین بە پەروەردەی کۆمەڵگایەکی یاساناس و یاساپەروەر.
بەو ماناش نییە لە بەرامبەر گەندەڵی بەرپرسانی وڵاتە داگیرکراوەکەم بێدەنگ بووبم. 
ڕەخنەی زۆریشم بە نووسین و بە دیداری دۆستانە لێگرتوون و بەردەوامیش دەبم، بەڵام ڕەخنەی دوور لە تەشهیر و قسەی کۆڵانی.
لەگەڵ رەخنەی دروستکەرم، لەگەڵ ناڕەزایی و خۆپیشاندانی ئارام و یاساییم، ڕەفتاری نەشیاویش بۆ تێکدانی یەکریزی ماڵی کورد لە ژیر هەر ناو ناتۆرەیەک بێت، بە بەشێک لە پرۆژەی داگیرکەرانی کوردستان دەزانم بۆ تێکدانی یەکریزی ماڵی کورد. 
تا ئیستاش نەمدیتووە کە کردارە تووند و تیژییەکان هیچ کێشەیەکیان لە کوردستان چارەسەرکردبێت، بگرە زیاتر و قووڵتریان کردوە.
باشترین زامن بۆ گەیشتن بە سەربەخۆیی یەکجاری و ڕزگاربوونم لە ژێر چنگ و کەلتورو سیاسەتی داگیرکەران، یەکریزی و ئاشتی وئارامییە لە ناو کوردستان، لێبوردەییە. 
غاندی دەڵێن ئاسمان چەندە گەورەبێت، بەڵام کە مانگی نەبێت تاریک دەبێت، مرۆڤیش چەندە گەورەبێت، بەڵام کە ڕەوشتی نەبوو بچووک دەبێت.
تکایە با ئیتر واز لە بوغز و کینەو شەری نەشیاو کە دڵخۆشکەرە بۆ دوژمن بێنین.



تێ بی نی:
مەبەستم کەس و لایەنێک نییە وەک شەخس یا ڕێکخراو، تەنیا وڵامێکی گشتییە.

بەرێزەوە براتان
عارف باوەجانی
٣ / ٦ / ٢٠١٨

ڕێکه‌و 2018-06-26 00:00:09
به‌شی ( سیاسی )