پەیامی سەرۆکی پارتی سەربەستیی کوردستان، بە بۆنەی سەریساڵی زاینییەوە.

پەیامی سەرۆکی پارتی سەربەستیی کوردستان، بە بۆنەی سەریساڵی زاینییەوە.




کوردستانی  وڵاتداگیرکراو!  لاوانی ستەمدیدەی بێوەری لە هەموو خۆشییەکانی ژیان.
سەرەتا: پیرۆزبایی هاتنی ساڵی نۆێی زاینی لە گشت گەلی کورد و  گشت نەتەوە ئاشتیخوازەکانی جیهان پیرۆز دەکەم.
وا بەرەو پێشوازی ساڵی ٢٠١٩ی زایینی دەرۆین. ئەمساڵەشمان وەک هەموو ساڵانی پێشووتر پر لە کارەسات و ناخۆشی تێپەرکرد. هەر لەم ساڵەی ٢٠١٨ بە دەیان ڕۆڵەی کورد لە سێدارەدران، بە دەیان لاوی کۆڵکێشی کورد لە سەر سنوورە دەستدروستەکانی نێوان باشور و رۆژهەڵاتی کوردستان، درانە بەر گوولەی پر لە قینی فارسی داگیرکەر.
لە ناوچەکانی لێقەوماوی کرماشان، خەڵکی هەژارو ماڵرووخاو، ژیانیان لە سالی پێشووتر دژوارترە، لە پاش ساڵێک و ٢مانگ بە سەر کارەساتی بە گووماناوی زەوی لەرزین، هیچ ئاڵوگۆرێک بۆ ئارامی ژیانی ئەو خەڵکە پێکنەهاتووە. لە گشت شاروناوچەکانی خۆرهەڵاتی کوردستان، ئاستی هەژاری و ئاستەنگی بواری ئابوری تەواو فشاری بۆ.خەڵک هێناوە، ئەمە لە کاتێکدایە کە ژیرزەوییەکانی خۆرهەڵاتی داگیرکراومان پرە لە سەروەت و سامانی دەوڵەمەند.
هاوڵاتیانی کرماشانی پایتەخت، سنەی قارەمان، ورمێی سمکۆکان، هەورامانی ئاهوراکان، ئیلامی بووکی زاگرۆز، لوڕستانی بە غیرەت، موکریانی بووکی کوردستان، گشت و شارو ناوچەو گووند ودەوار نشینەکان:  پێویستە هەموومان ئەم ڕاستیە بزانین و هەمیشە بە بیری خۆمان و نەوەی داهاتوومان بهێنینەوە، کە : ئەم هەموو نەهامەتییانەی کە ساڵ بە ساڵ بە ڕێی دەکەین، هەموو دەگەرێتەوە بۆ مانەوە لە بندەستی نەتەوەی زاڵم و داگیرکەری خاکی کوردستان.
وەک عارف باوەجانی ڕۆڵەیەکی خزمەتکاری ئەم نیشتیمانە داواتان لێدەکەم، دەستی تەک بە تەکتان دەگووشم کە با تەواوی خەبات و تێکۆشانتان بۆ بە دەرنانی داگیرکەران بێت لە سەر خاکی پیرۆزی وڵات ونیشتیمانتان. مێژووی بەشەریەت لە جیهاندا سەلماندوویەتی کە هەتا داگیرکەر حاکم بێت هەرگیز ئارامی و ئاشتی و ئابوری خەڵک باش نابێت  وبگرە زیاتر پێچەوانەی ساڵی پێشووتر دەبێت.
تکایە هەرگیز مەکەونە داوای هیندێک دەستەواژەی فریودەر لە ژێرناوی کە گوایا کورد نەتەوەی دێرینی ئەو خاکەیە بە ناوی ئێران، ئەوە هەرگیز ڕاست نییە، کورد نەتەوەیی دێرینی سەرخاک و زێدی باوباپیرانی خۆیەتی کە لە مێزوبۆتامیاوە تا بناری چیاکانی زاگرۆزە، ئەو خاکەی کوردی لە سەر ژیاوەو دەژی تەنیا ناوی کوردستان بووە نەک ناوی دیکەی داسەپێنراو.
هەروەها بروا بەو پروپاگەندەیە نەکەن، کە بە گۆرینی ڕیژیمی حاکم ! ستەمکاری کۆتایی دێت، ئەوەش تەنیا دروشمێکی فریودەرە بۆ گەلێکی خەباتگێری وەک کوردە، تا فارسی حاکم لە وڵاتێک لە ژێر ناوی ئێران حوکمداری بکات، لە ژێر هەر ناوێک بێت، وەک پاشایی وئسلامی وکۆمۆنیستی و سوسیالیستی وفیدراڵی و هیدیکە، ئەمانە تەنیا بۆ چەوساندنەوەی نەتەوەی کوردونەتەوەکانی دیکەی غەیرە فارس دەبێت لە ناوچەکانی خۆیان.
بۆ پێشەوە لە پێناو خەبات لە پێناو سەربەخۆیی یەکجاری کوردستان،


براتان/ عارف باوەجانی/ سەرۆکی پارتی سەربەستیی کوردستان.
سەری ساڵی ٢٠١٩ی زاینی.


 
ڕێکه‌و 2019-01-01 13:09:17
به‌شی ( اخبار )