بەبەشداری نۆێەرایەتی ٤٩ پارت و ڕێکخراوی هەر چوار پارچەی کوردستان یادی١٣ ساڵەی پ س ک،

 

بەبەشداری نۆێەرایەتی ٤٩ پارت و ڕێکخراوی  هەر چوار پارچەی کوردستان یادی١٣ ساڵەی پ س ک،  لە شاری هەولێری پایتەختی باشوری کوردستان:  بەرز ڕاگیرا.


 




ڕێکەوتی ٢٨ی ڕێبەندانی ٢٧١٨ی کوردی، بەرامبەر بە ١٧/٢/٢٠١٩ ی زاینی ، لە شاری هەولێری پایتەختی باشوری کوردستان، مراسمێکی بەشکۆ بە بۆنەی یادی ١٣ ساڵەی دامەزراندنی پارتی سەربەستیی کوردستانەوە، بە بەشداری٤٩  پارت و  ڕێکخرا  بەڕێوە چوو.  کە بەشێوەی خوارەوە زانیاری تەواو دەخەینە بەردەستتان.

کارەکانی مراسمی ساڵیاد.
کاتژمێر ١٢ پێشوازی لە هاتنە ژووری میوانان بۆ نێو هۆڵی ساڵیادەکە، لە  کاتژمێر ١٢ و نیو تا ١و نیوی نیوەرۆ، گشت میوانان و نۆێنەری حیزبەکان پێکەوە دەستیانکرد، بە خواردنی نانی نیوەرۆ، کە وەک نیوەرۆخوانێک لە لایەن پارتی سەربەستیی کوردستانەوە بۆ میوانە بەڕێزەکان ڕێکخرابوو.

لە کاتژمێر ١و نیو بەرنامەکە بە شێوەی فەرمی لە لایەن بەڕێبوەری بەرنامەوە سامیە کەرەمی کرایەوە، پاشان بانگکرایە عارف باوەجانی وەک سەرۆکی پارتی سەربەستیی کوردستان بۆ پێشکەشکردنی وتاری بە خێرهاتن. بەڕێزیان وێرای بەخێرهاتنی گەرمی میوانان، ئاماژەی بە مێژوویەکی کورتی پ س ک و هەڵویستی نەتەوەیی و هەوڵ و ئاشتی لەگەڵ گشت حیزبە کوردستانیەکان کرد.
 لە نێوان کاتژمێر٢  تا ٢و نیو ئاماژەکرا بە گشت پەیام و بروسکە گەیشتووەکان،
هەر لەو نێوەدا پارچەکە هەڵبەستێکی نەتەوەیی بە زاراوەی شیرینی کەڵهوری لە لایەن شاعیری لاو کاک سەردار زەنگەنە پێشکەشکرا.
لە نێو ئاخنی بەرنامەکەدا، چەندین سرودی نیشتیمانی لە لایەن گروپی موسیقای قەرەچووغ پێشکەشی میوانان دەکرا.
پاشان ڕێزلێنانی سەرۆکی پارتی پارتی سەربەستیی کوردستان،  وەک  پێزانینی پارتێکی نەتەوەیی  بەرامبەر بە هەڵویستێکی بۆێرانەی بەرپرسێکی کوردستانی ئاراستەی بەڕێز ڕێبوار تاڵەبانی سەرۆکی ئەنجوومەنی شارەوانی کەرکوک کرد،  لە بەر هەڵکردنی پیرۆزی ئاڵای کوردستان،  لە نێو هۆڵی ئەنجوومەنی شاری کەرکوک لە ساڵی ٢٠١٧.
بە دوای ئەودا هەڵبەستێک بە زاراوەی کرمانجی لە لایەن هەڵبەستڤانی ڕۆژئاوای کوردستان  ڕێچار بۆتانی پێشکەشکرا.
لە بەشی کۆتایی پانێلێکی سیاسی بۆ ٢ کاتژمێر بەرێوەچوو. کە بە سەرپەرەستی بەرێز عارف باوەجانی / سەرۆکی پارتی سەربەستیی کوردستان، و بەبەشداری بەریزان دوکتۆر موسا کاڤاڵ سەرۆکی جڤاتی ئاشتی ناوخۆی کوردستان، بەڕێز عەلی عەونی ئەندامی مەکتەبی سیاسی پارتی دیمۆکراتی کوردستان، و بەڕێز جەمال پورکەریمی ووتەبێژی بزووتنەوەی سەربەخۆییخوازانی ڕۆژهەڵاتی کوردستان.
لەو پانێلەدا هەلومەرجی کوردستان بە گشتی و ڕۆژهەڵاتی کوردستان بە تایبەت شرۆڤەکرا.
لە بەشی کۆتایی پانێلەکەدا، سوپاس و  ڕێزلێنان ئاراستەی هەر یەک لە بەڕێزان، دوکتۆر موسا کاڤاڵ، کاک عەلی عەونی، کاک جەمال پورکەریمی، مامۆستا جەمیل سنجاوی سەرۆکی تیپی موسیقای قەرەچووغ، و شاعیری لاو کاک عوسمان کەرەمی یاریدەری بەشی دیزانی مراسم.

ناوی پارت و ڕێکخراوەکانی بەشدار.
لە باشوری کوردستان. پارتی دیمۆکراتی کوردستان، یەکێتی نیشتیمانیی کوردستان، بزووتنەوەی گۆران، یەکگرتووی ئیسلامی  کوردستان، حیزبی سوسیالیست دیمۆکراتی کوردستان، یەکێتی نەتەوەیی دیمۆکراتی کوردستان، حیزبی زەحمەتکێشانی کوردستان، حیزبی شیوعی کوردستان، پارتی کرێکاران و ڕەنجدەرانی کوردستان،  حیزبی دیمۆکراتی بێت نەهرێن، پارتی کۆماری کوردستان، بزووتنەوەی نۆێبوونەوەی کوردستان، ڕێبوار تاڵەبانی سەرۆکی ئەنجومەنی پارێزگای کەرکوک.

 لە رۆژهەڵاتی کوردستان،  حیزبی دیمۆکراتی کوردستانی ئێران، حیزبی دیمۆکراتی کوردستان، پارتی ئازادی کوردستان، سازمانی خەباتی کوردستانی ئێران، بزووتنەوەی سەربەخۆییخوازانی ڕۆژهەڵاتی کوردستان.

لە باکوری کوردستان، پارتی دیمۆکراتی گەلان(  هەدەپە) . پارتی سوسیالیستی کوردستان، پارتی ئازادی کوردستان،  هەقپارتی.

لە رٶژاوای کوردستان. ئەنجوومەنی نیشتیمانیی کورد لە سوریا ( ئەنەکەسە)   کە ١٢ حیزبی کوردی تێدا ئەندامن، نۆێنەری هەر ١٢ حیزب بەشداربوون، کە بریتین لەم حیزبانە. خوارەوە، ناوەکانیان بە عەرەبی بە ئێمە گەیشتووە.

١_حزب الديمقراطي الكردستاني _سوريا (اسم السكرتير :سعود الملا

٢_حزب يكيتي الكردستاني _سوريا اسم السكرتير  سليمان اوسو

٣_حركة الاصلاح الكرديه في سوريا  السكرتير فيصل يوسف

٤_حزب المساواة الديمقراطي الكردي في سوريا اسم السكرتير نعمت داوود

٥_حزب الوطني الديمقراطي الكردي في سوريا اسم السكرتير طاهر صفوك

٦_حزب الوحد الديمقراطي الكردي في سوريا اسم السكرتير هجار علي

٧_حزب  الوحدة الديمقراطي الكردستاني في سوريا اسم السكرتير فصله يوسف

٨_حزب اليسار الديمقراطي الكردي في سوريا اسم السكرتير شلال كدو

٩_حزب اليسار الكردستاني في سوريا  اسم السكرتير محمود ملا 

١٠_التيار المستقبل الكردي في سوريا اسم السكرتير فادي مرعي

١١_حزب الطليعي الكردستاني في سوريا اسم السكرتير د اسماعيل حصاف

١٢_اتحاد القوى الكردستاني في سوريا اسم السكرتير زردشت مصطفى
هەروەها ئەم حیزبانەی دیکەی ڕۆژئاوای کوردستان. پارتی یەکێتی دیمۆکراتی کورد لە سوریا، پارتی ئازادی کوردستان، تەڤگەری نۆێبوونەوەی کوردستان،  پارتی دیمۆکراتی کورد لە سوریا،  حیزبی چەپی کوردستان، حیزبی هیوای کوردستان،  کۆمەڵەی شەرەفخانی کوردی.

ڕێکخراو  ناوەندەکان، ئەوم ناوەندانەش بە بەشدارییان و بە ناردنی پەیام  وبروسکە  لەگەڵمان ئەو ساڵیادەیان پیرۆزکردوە.

ناوەندی لێکۆڵینەوەی ڕوداو، ناوەندی چاوی کورد بۆ پەرەپێدانی سیاسی.  د. عەدنان ئەنوەربەگ سەرۆکی ئەنجومەنی  باڵای رێکخراوەکانی کۆمەڵی مەدەنی لە کوردستان،
بنەماڵەی شەهیدان: بنەماڵەی شەهید موحەممەد مەلاقادر.  بنەماڵەی شەهید فەرەیدون جوانرۆیی.  بنەماڵەی شەهید فایق قادر تاوگۆزی،
بەشداری ڕاگەیاندنەکان.
هەروەها بە دەیان کەسایەتی دیاری کوردستانی، وەک ئەندام پەرلەمانی ئیستاو دەورانی پێشووتر،  نووسەرو  وڕوناکبیر، خەباتگێری دێرین، بنەماڵەی شەهیدانی سەرکردەو چەندین کەسایەتی بوارەکانی دیکە.

لە دوا برگەی ماڵئاویی بەشداران و بە تێکرا گەواهی ئەوەیاندا کە یەکێک بووە لە سەرکەوتووترین بەرنامەکانی لایەنی رۆژهەڵاتی لە باشوری کوردستان.

ناوەندی ڕاگەیاندنی پارتی سەربەستیی کوردستان

 

بۆ دیتنی وێنەی زیاتر لە فایسبووک، دەتوانن کلیکی ئەم لینکەی خوارەوە بکەن.
https://www.facebook.com/abawecani/posts/10213974618061192?comment_id=10214022657502148


 

 
ڕێکه‌و 2019-02-26 08:14:10
به‌شی ( اخبار )