لاوانی خۆشی لە خۆ نەدیوی خۆرهەڵاتی کوردستان، ڕیگەمەدەن بکرێن بە ئێرانی!

 

 


لاوانی خۆشی لە خۆ نەدیوی خۆرهەڵاتی کوردستان، ڕیگەمەدەن بکرێن بە ئێرانی!

 




 بە کارەساتەکانی زەوی لەرزین ( زەلزەلە)ی ناوچەکانی کرماشان،  و کارەساتەکانی لاوفاو لە زۆربەی ناوچەکانی رۆژهەڵاتی کوردستان، جارێکی دیکە دیتتان کە ڕێژیمی داگیرکەری فارسی ئێرانی چۆن  ڕاستییەکانی خۆی سەلماند، کە ئەوان تەنیا مەبەستیان مانەوەی خۆیانە، لایان گرنگ نییە کە کام نەتەوە:  ئاو و ئاگر و ئاسن لە بەینی دەدات.
ئەم ئەزموونەش وەک سەدان ئەزموونی دیکە سەلماندی کە مانەوە لە چوارچێوەی ڕێژیمی داگیرکەر و نەتەوەیی داگیرکەر، لە تەنگانە هەر ئەوەیان لێ چاوەرێ دەکرێت.  ئەوان بە فرۆکەی فریاکەوتنی خێرا لە ماوەی چەند خولەک پیداویستی سەرەتایی بۆ  هاوپیشەکانیان لە لوبنان و سوریا دەبەن،  بەڵام لە خاکی کوردستان ونەتەوەکانی بندەست لە باتی هاوکاری دەبابەو تانگ دێنە شەقامەکان.
تکایە خەباتی خۆتان تەرخان مەکەن بە ئاوەدان کردن و مۆدێرنی کردنی پایتەختی داگیرکەران، ئێوە خەبات و بەرخۆدانی خۆتان تەرخان بکەن لە پێناو سەربەخۆیی کوردستان، تکایە تکایە ڕێگە مەدەن کەس دەستەواژۆی کوردستانی ئێران بە کار بێنێت. کوردستان هی ئێوەیە، نەک هی فارسی داگیرکەر، ئەگەر ئەو دەوڵەتە  بەناوی ئیران یا پەرسیان بێت، بۆ تۆ هەر داگیرکەرە و هیچ کێشەیەکت بۆ چارەسەر ناکات. ئێرانی داهاتووی خاتو مریەم و کوری شاه لەمانە خرابپتر نەبێت چاکتر نییە.
بۆ پێشەوە  بۆ خەبات لە پێناو سەربەخۆیی یەکجاری کوردستان.
عارف باوەجانی / سەرۆکی پارتی سەربەستیی کوردستان    ١٥ / خاکەلێوەی ٢٧١٩ی کوردی


لە فایسبووکی سەرۆکی پ س ک وەرگیراوە.
پەیجی فەرمی سەرۆکی پارتی سەربەستیی کوردستان


ڕێکه‌و 2019-04-04 19:41:38
به‌شی ( اخبار )