دیدارێکی دۆستانه‌ی پارتی سه‌ربه‌ستیی کوردستان وحیزبی دێموکراتی کوردستانی ئێران.درێژه‌ی دیدار و كۆبوونه‌وه‌كانی سه‌رۆكی پ.س.ك له‌گه‌ڵ پارت و لایه‌نه‌ جیاوازه‌كانی كوردستان.

له‌ درێژه‌ی دیداروچاوپێکه‌وتنه‌کانی به‌ڕێز کاک عارف باوه‌جانی سه‌رۆكی گشتی پارتی سه‌ربه‌ستیی له‌ باشووری کوردستاندا، ڕۆژی ٣ گه‌لاۆێژ ی ٢٧٠٦ ی کوردی به‌رامبه‌ر به‌ 25.07.2006، سه‌ردانی باره‌گای سه‌رکردایه‌تی حیزبی دێموکراتی کوردستانی ئێرانی کرد .
سه‌رۆكی پارتی سه‌ربه‌ستیی كوردستان له‌ لایان به‌ڕێز کاک حه‌مه‌ نه‌زیف قادری ئه‌ندامی ده‌فته‌ری سیاسی حیزبی دیمۆکراتی کوردستانی ئێران پێشوازی لێ کرا.
له‌و دیداره‌ دۆستانه‌یه‌دا له‌ لایان کاک عارف کورته‌ باسێک له‌سه‌ر هۆکاری دامه‌زراندنی پارتی سه‌ربه‌ستیی کوردستان کرا، پاشان له‌لایان ڕێزدار کاک حه‌مه‌نه‌زیف قادری باسی سیاسه‌تی حیزبی دێمۆکرات به‌رامبه‌ر به‌ دامه‌زراندنی پارتی سه‌ربه‌ستیی کوردستان و حیزبه‌کانی کوردستان کرا، ناوبراو ئاماژه‌ی به‌وه‌ کرد که‌ حیزبی دێمۆکراتی کوردستان به‌ چاوێکی نیشتمان په‌روه‌رانه‌وه‌ ده‌ڕوانێته‌ پارتی سه‌ربه‌ستیی کوردستان. هه‌روه‌ها ناو براو ئاماژه‌ی به‌وه‌ کرد که‌ حیزبی دیمۆکرات پێشوازی له‌ دروست بوونی هه‌ر حیزبێکی کوردستانی ده‌کات که‌ به‌مه‌به‌ستی خزمه‌ت به‌ کوردستان بێنه‌ گۆڕه‌پانی خه‌باته‌وه‌.
ڕێکه‌و 2006-09-17 19:17:23
به‌شی ( چالاکییه‌کان )