باوەجانی: ئەمریكا لە ئێران دەدات





خەڵك-بەشی هەواڵ



سەرۆكی پارتی سەربەستی كوردستان ڕایدەگەیەنێت، ئەمڕۆ بێت یان سبەی ئەمریكا لە ئێران دەدات.
ئەمڕۆ ساڵێك بەسەر كوشتنی سولەیمانی و موهەندیس تێپەڕ دەبێت و ڕۆژ لەدوای ڕۆژ گرژییەكانانی نێوان ئەمریكا و ئێرانیش زیاتر دەبن، بەڵام تاكو ئێستا ئەو گرژیانە نەچوونەتە حاڵەتی پێكدادانی سەربازی.

عارف باوەجانی سەرۆكی پارتی سەربەستی كوردستان بە (خەڵك)ی ڕاگەیاند، ئەمریكا ساڵی 1979 حكومەتی ئێرانی هێنایەسەر دەسەڵات و كاری پێبوو وەكو حكومەتێكی ئیسلامی بەرانبەر بە یەكێتی سۆڤیەت كە لەوكاتەدا لە ناوچەكەدا بەهێز بوو، نەیدەتوانی بە شەڕ سۆڤیەت یەكلایی بكاتەوە و بە حكومەتی ئیسلامی كارەكانی خۆی پێڕاپەڕاند و بە گۆڕانی ئایدۆلۆژیا كارەكانی كرد. وتیشی”ئێستا ڕۆڵی ئێران بۆ ئەمریكا تەواو بووە و ئەمریكاش سیاسەتێكی تایبەتی هەیە كە ڕۆڵی هەر كەسێك نەما پێیدەڵێت هێندەی جگەرەیەك سوودت نەماوە، بۆیە ئەمریكا بە نیازە ئەم وڵاتە بگۆڕێت و دەزانێت ناتوانێت گۆڕانكاری ڕیشەیی بكات دەبێت لەناویبەرێت و لە ڕەگەوە دەریبهێنێت، چونكە نەوەكانی ئەم وڵاتە پەروەردەكراون كە هەمیشە دژی ئەمریكا و ئیسرائیل خەبات بكەن، هەر جۆرە دۆستایەتییەك لەگەڵ ئەوان لەگەڵ ویلایەتی فەقیهـ ناگونجێت”.

ئاشكراشیكرد، ئێران دەڕوخێنێت، بەڵام چۆن و كەی، گومانەكان دروست بوون، بەشێوەیەك ئەگەر تڕەمپ بمایە لە خولی دووەمی خۆی ئەو كارەی دەكرد.
ڕوونیشیكردەوە، ئەمریكا پێشتر چووەتە ناو شەڕی ئەفغانستان و عیراقەوە، ئەمجار نایەوێت ڕۆڵەكانی ئەمریكا بە كوشت بدات و دەیەوێت بەشێوەیەكی تر شەڕەكە بكات و پلانی هەیە بۆ نەهیشتنی كۆماری ئیسلامی ئێران.
جەختی لەوەش كردەوە، سیاسەتی دەرەوەی ئەمریكا یەك سیاسەتە و لە ئاست ئەو وڵاتانەی كە خۆیان بە كێبڕكێكار دەزانن، ئەمریكاش لەئێران دەدات، بەڵام چاوەڕێ دەكات ئێران دەستپێشخەر بێت بۆ ئەوەی وەكو ئەوكاتەی عیراق كە هاوپەیمانی 35 وڵاتی وەرگرت و خەرجییەكەی خستە ئەستۆی ئەوان، بەو شێوەیە دەیەوێت هاوپەیمانییەتیەك بۆ شەڕی ئێران دروست بكات و هەر لە ئێستاوە ئیسرائیل هاوپەیمانێتی لە هەوڵی قەناعەتپێكردنی یەكێتی ئەوروپاشە و هەر لێیدەدات.


 

ڕێکه‌و 2021-01-20 13:41:09
به‌شی ( مصاحبه‌ها )







سیاسی