دوای ٤ ڕۆژ ئاگرکه‌وتنه‌وه‌ له‌ چه‌ندین شۆینی داهاتی ژیانی خه‌ڵک له‌ ئیلام، تازه‌ ئاگر کوژێنه‌وه‌ خۆی ده‌گه‌یه‌نێته‌ شۆێنه‌که‌.

تایبه‌ت به‌ ماڵپه‌ری: پارتی سه‌ربه‌ستیی کوردستان
ماوه‌ی ٤ ڕۆژ پێش له‌ چه‌ندین ناوچه‌ی شاخاوی و کشت و کاڵ و باخ و بێستانی هاوڵاتیان له‌ ناوچه‌ی بێوه‌ره‌ی مه‌له‌کشای سه‌ربه‌ ئیلامی ڕۆژهه‌ڵاتی کوردستان، به‌ شێوه‌یه‌کی گوماناوی ئاگری لێده‌که‌وێته‌وه‌. چه‌ندین باخ و بێستان و به‌ ده‌یان هیکتار زه‌وی خه‌ڵکی وه‌رزێر و زه‌حمه‌تکێشی ناوچه‌که‌ سووتێنراون، هه‌روه‌ها به‌ ده‌یان گیانله‌به‌ریش به‌ گڕی به‌ تینی ئه‌و ئاگره‌ سووتێنراون، دانیشتووانی ناوچه‌که‌ باسی به‌ هێزی ئاگره‌که‌ ده‌که‌ن.
خه‌ڵکی ناوچه‌که‌ هه‌ر له‌ یه‌که‌م ڕۆژه‌وه‌ داوای هاوکارییان له‌ ئاگر کۆژێنه‌وه‌ کردوه‌، به‌ڵام دوای ٤ رۆژ گه‌یشتوونه‌ته‌ شۆینی ڕووداوه‌کان، ئه‌مه‌ش نگران و شک وگومانی زۆری بۆ خه‌ڵکی ناوچه‌که‌ دروستکردوه‌.
به‌ گۆێره‌ی بۆچوونی خه‌ڵک و باس له‌ خه‌ساری به‌ ده‌یان ملیارد تومه‌ن ده‌کرێت.