پێنچ شه‌مه 11 گوڵان 2725
پوخته‌یه‌ك ده‌رباره‌ی پارتی سەربەستیی كوردستان PSK.
ناو: پارتی سەربەستیی كوردستان. (پ. س. ك) بە ڕێنووسی لاتینی و ئینگلیزی
( Parti Serbesti Kurdistan ) ( P .S. K )
بە زمانەکانی عەرەبی و فارسی ( حزب سربستی کوردستان )
پارتی سهربهستیی کوردستان، له ٢٨ی ڕێبه‌ندانی ٢٧٠٥ی کوردی و ١٧-٢-٢٠٠٦ زاینی. وه‌ک پارتێکی نه‌ته‌وه‌یی و سه‌ربه‌خۆیخوازی کوردستانی، به بیرۆکه‌ی عارف باوه‌جانی دامه‌زراوه.
تا ئیستا ١٠ کۆنفرانس وسێ کۆنگره‌ی به‌ستووه.
پارتی سهربهستیی کوردستان: پارتیکی ڕامیاری و لیبراڵدیمۆکراته.
( پ س ک ) له پێناو وه‌ده‌ستهێنانی مافی سه‌ربه‌خۆیی نەتەوەی کورد له ڕۆژهه‌ڵاتی کوردستان خه‌بات ده‌کات. تێده‌کۆشی بۆ دابینکردنی سه‌ربه‌خۆیی و دیمۆکراسی و ئاشتی و ئازادی و یه‌کسانی له کۆمه‌ڵگای کوردستاندا. هه‌وڵده‌دا بۆ پاراستنی ماف وڕێزی به‌رامبه‌ر، بۆ گشت چین و تۆێژه‌کانی جیاوازی ئاینی وکه‌لتوری و ڕگەزی له کوردستاندا.
کۆنگرەکانی پارتی سەربەستیی کوردستان.
کۆنگرەی یەکەم: کۆنگره‌ی یه‌که‌می له ١٣-١١-٢٠٠٩ له ئۆسڵۆی پایته‌ختی نۆرویژ به‌ستووه.
کۆنگرەی دووەمی : ڕێکه‌وتی ١٤/٢/٢٠١٣ کۆنگرەی دووەمی پارتی سەربەستیی کوردستان، لە ژیر ناوی ( کۆنگرەی بەرەو کۆکردنەوە ویەکگرتنی سەربەخۆخوازانی رۆژهەڵاتی کوردستان) به به‌شداری٦٣نۆێنه‌ری ئۆرگان و ڕێکخراوه‌کانی پارتی سهربهستیی کوردستان. لە شاری هەولێری پایتەختی هەرێمی کوردستان، بەسرا.
کۆنگرەی سێیەم: کۆنگرەی سێێەم لە ژێر ناوی ( کۆنگرەی بووژانەوەی هزری سەربەخۆییخوازی لە ڕۆژهەڵاتی کوردستان). لە ڕۆژانی ١٠ تا ١٧ی فەبرواری ٢٠٢٣بەڕێوە چوو.
ئەم کۆنگرەیە بە هۆی هەلومەرجی تووندی ئەمنی و هەڕشەی مووشەکی و درۆنی ئێران، بە شێوەی ئۆنلاینی و داخراوەیی، لە نێوان باشووری کوردستان و وڵاتانی ئوروپایی، لە کۆی ٩ گرووپ، لە ماوەی٧ ڕۆژدا بەڕێوە چوو.
پێگەو نفووزی پارتی سەربەستیی کوردستان.
( پ س ک ) خاوەنی پێگەیەکی بەهێزی نەتەوەیی و ڕێکخستنی تۆکمەیە بە شێوەی نهێنی لە ناوخۆی وڵات، بە سەدان ئەندامی ئاشکرا لە باشووری کوردستان و، وڵاتانی دەرەوە. بنکەی پێوەندی، و کۆمیتە و ڕێکخستنی لە چەندین ناوچەی باشووری کوردستان هەیە، هەروەها چەندین کۆمیتەی لە وڵاتانی دەرەوە هەیە.
پارتی سهربهستیی کوردستان، لە چەندین کۆنگرە و کۆنفرانسی نێودەوڵەتی، وەک لایەنێکی ڕۆژهەڵاتی کوردستان بەشداری پێکراوە. توانیوێتی له ئاستی دیپلوماتی جیهانیەوە پێوه‌ندییه‌کی به‌هێز دروست بکات. بێجگە لەوەش ڕۆڵێکی زۆر بەرچاوی هەبوو بۆ بە جیهانیکردنی کێشەی کورد لە ڕۆژهەڵاتی کوردستان، لە ڕێگەی میدیاو ڕێکخراوە گرنگەکانی جیهانەوە.
سەرکردایەتی و سەرۆکایەتی.
لە پاش کۆنگرەی سێیەمی پارتی سەربەستیی کوردستان، پ س ک خاوەنی ئەنجوومەنێکی سەرکردایەتی١٣کەسییە، هەروەها ٣ ئەندامی (جێگر، یەدەک) ی ئەنجوومەنی سەرکردایەتییە. لەو ١٣ کەسە، ٥ کەس وەک ئەندامی دەستەی کارگێڕی هەڵبژێردراون، پێکدین لە سەرۆکی گشتی ٢ جێگری سەرۆک و٢ ئەندامی دیکەی سەرۆکایەتی.
ناوی سه‌رۆكی پارتی سەربەستیی کوردستان
ناوی جێگری سەرۆکی پ س ک.
بەشێک لە زانیاری و چالاکییەکان، پەیرەو وپڕۆگرام لە ماڵپەڕی فەرمی بڵاودەکرێتەوە.
www.psk2006.org
پووختەیەک لە ئامانجە گشتییەکان
١ـ "پارتی سهربهستیی کوردستان" نیشتمانی کورد به هه‌موو پارچه‌کانیه‌وه به یه‌ک وڵات و نه‌ته‌وه‌ی کوردیش به یه‌ک نه‌ته‌وه ده‌ناسێ، ئه‌و سنوورانه‌ش که خراونه‌ته نێوان به‌شه‌کانی کوردستان و به ڕواڵه‌ت له‌تیان کردووه، به ده‌ستکردی داگیرکه‌ر وسنووری زۆره‌ملییان داده‌نێ و به ڕه‌سمییه‌تیان ناناسێت، به‌ڵام له‌م هه‌لومه‌رجه ناسکه‌دا، پاڕتی سهربهستیی کوردستان به‌پێێ چه‌ندین هه‌ڵسه‌نگاندنی ڕامیاری(سیاسی) وستراتیژیکی ڕۆژ له ناوچه‌که‌دا، خه‌بات وتێکۆشانی ئێستای ته‌رخان ده‌کات بۆ به‌شی داگیرکراوی ڕۆژهه‌ڵاتی کوردستان، واته کوردستانی بنده‌ستی ڕێژیمی ئێران.
٢ ـ پارتی سهربهستیی کوردستان، خۆی به پارتی هه‌موو دانیشتووانی ڕۆژهه‌ڵاتی کوردستان ده‌زانێت، و به‌پێێ جاڕنامه‌ی مافی مرۆڤ بۆ به ده‌ستهێنانی مافه‌کانیان هه‌وڵده‌دات. هه‌روه‌ها بێجگه له گه‌لی کورد ئه‌م که‌مایه‌تیانه‌ش له کوردستان ده‌ژین که بریتین له: ئازه‌ری و ئه‌رمه‌نی، ئاسۆری له پرۆژه و سیاسه‌تی پارتی سهربهستیی کوردستاندا به هاووڵاتی کوردستان ده‌ناسرێن، و مافیان له هه‌مووبواره‌کانی، سیاسی، ئابووری، کۆمه‌ڵایه‌تی، فه‌رهه‌نگی ، ده‌پارێزرێت.
٣ ـ پارتی سهربهستیی کوردستان. به‌گوێره‌ی توانا له تێکۆشانی هه‌موو به‌شه‌کانی داگیرکراوی کوردستان پشتیوانی ده‌کات.
٤ـ پارتی سهربهستیی کوردستان. له جووڵانه‌وه‌ی شۆڕشگێڕی و دیمۆکراتیکی و ئازادیخوازیی سه‌رانسه‌ری گه‌لانی بنده‌ستی ئێران پشتیوانی ده‌کات.
٥ ـ پارتی سهربهستیی کوردستان. لایه‌نگری ئاشتی وهێمنایه‌تییە له جیهاندا. له خه‌باتی گه‌لانی بنده‌ست و چه‌وساوه بۆ ئازادی ودیمۆکراسی و، نه‌هێشنی زوڵم و زۆر و چه‌وسانه‌وه پشتیوانی ده‌کات و، بۆ دابینکردنی مافی مرۆڤ به‌گوێره‌ی به‌یاننامه‌ی جیهانی مافی مرۆڤ، له‌گه‌ڵ هێزه دیموکراته‌کانی جیهان تێده‌کۆشێت.
ئامانج و دروشمه ستراتیژییه‌کان
دروشمی پارتی سهربهستیی کوردستان بریتیه له:
١- پێکهێنانی ده‌وڵه‌تێکی سه‌ربه‌خۆ و دیمۆکرات له ڕۆژهه‌ڵاتی کوردستان.
٢ـ وڵاتی دیمۆکراتی ڕۆژهه‌ڵاتی کوردستان به‌گوێره‌ی یاسا وڕێوشۆێنی په‌سه‌ندکراوی زۆربه‌ی شارومه‌ندانی وڵات کاروباری ده‌وڵه‌تی به‌ڕێوه ده‌بات.
٣ ـ وڵاتی دیمۆکراتی کوردستان خاوه‌نی په‌رله‌مانی نه‌ته‌وه‌یی ده‌بێ که ئه‌ندامانی ئه‌و په‌رله‌مانه پێک هاتبن له هه‌موو چین و تۆێژه‌کانی کوردستان، که به‌گوێره‌ی ئاپۆڕه‌ی گەل له ناوچه‌کاندا له لایه‌ن خه‌ڵکه‌وه هه‌ڵده‌بژێردرێن.
٤ - وڵاتی دیمۆکراتی کوردستان، له ڕێگه‌ی ئابووری و پرۆژه‌ی ئابوریه‌وه له به‌رژه‌وه‌ندی هه‌مو چین و توێژێکی وڵات که‌ڵک وه‌رده‌گرێت.
٥ - ئامانجی دواڕۆژی پارتی سهربهستیی کوردستان سیستیمێکی سێکولاری مۆدێڕنی لیبراڵ دیمۆکراته. بە شێوە داڕشتنی لیبرالیزمێکی کوردی.
هەنگاوی یەکەم بۆ قۆناغی ئێستای خه‌بات: پارتی سهربهستیی کوردستان، له هه‌لومه‌رجی ئێستای خه‌باتدا له هه‌ر ده‌ستکه‌وتێکی سیاسی نه‌ته‌وه‌یی، کۆمه‌ڵایه‌تی وفه‌رهه‌نگی نه‌ته‌وه‌که‌مان له هه‌ر به‌شێکی کوردستان که به‌‌ده‌ستی بێنێ پشتیوانی ده‌کات. هه‌ر هه‌نگاوێکی ئه‌وتۆ به پله‌یه‌ک ده‌زانێ بۆ په‌ره‌ی خه‌بات به‌ره‌و به‌‌ده‌ستهێنانی مافی سه‌ربه‌خۆیی. به‌ڵام "پارتی سهربهستیی کوردستان"، وێڕای پشتیوانی له‌هه‌ر چه‌شنه سه‌رکه‌وتنێکیش له ڕۆژهه‌ڵاتی کوردستان، واز له چالاکی و تێکۆشانی سه‌ربه‌خۆییخوازیی خۆی ناهێنێ، به‌رده‌وام خه‌بات ده‌کات بۆ ئه‌وه‌ی ئه‌و بیره بتوانێ ده‌نگی زۆرینه‌ی خه‌ڵکی کوردستان به‌ده‌ست بێنێ.
١ ـ پارتی سهربهستیی کوردستان له بارودۆخی ئه‌مڕۆی کوردستان هاوکات له‌گه‌ڵ به‌ره‌و پێشبردنی ئه‌رکی سیاسی و ته‌شکیلاتی خۆی، له کاتی ڕزگار بوونی خاکی داگیرکراوی ڕۆژهه‌ڵاتی کوردستان هه‌نگاوی پێویست بۆ ئه‌م مه‌به‌ستانه‌ی خواره‌وه هه‌ڵده‌گرێت:
ئا- هه‌وڵده‌دا به هاوکاری هێزه‌کانی دیکه‌ی ڕۆژهه‌ڵاتی کوردستان، له ڕێگه‌ی هه‌ڵبژاردنی نۆێنه‌رانی خه‌ڵکه‌وه بۆ پێکهێنانی په‌رله‌مان و وه‌زاره‌ته‌کانی کوردستان.
ب- دانانی یاسایه‌کی به‌په‌له، که به شێوه‌ی ڕه‌شنووسی، له لایه‌ن خه‌ڵکه‌وه ده‌نگی پێ بدرێت.
پ- په‌ره‌دان و گه‌شه‌کردنی زمان، ئه‌ده‌ب، فه‌رهه‌نگ و هونه‌ری کوردی.
ت- ڕێزگرتن و په‌ره‌پێدانی داب و نه‌ریتی نه‌ته‌وایه‌تی کورد له هه‌موو به‌شه‌کانی کولتووریدا.
ج - دانانی فێرگه و قوتابخانه به زمانی کوردی بۆ منداڵان و لاوان و گه‌وره‌ساڵان له گوند و شار.
چ- ڕێکخستن وهاندانی خه‌ڵکی ڕۆژهه‌ڵاتی کوردستان بۆ به‌‌ده‌ستهێنانی مافه کۆمه‌ڵایه‌تیی، ئابووری و فه‌رهه‌نگیه‌کان، هه‌روه‌ها بۆ دروستکردنی سه‌ندیکا و ڕێکخراوه مه‌ده‌نیی و پیشه‌یه‌کان.
ح- سه‌لماندنی مافی یه‌کسان بۆژنان وپیاوان له هه‌موو بواره‌سیاسی، ئابووری، فه‌رهه‌نگی و کۆمه‌ڵایه‌تیه‌کاندا، و هاندانی ژنانی کورد بۆ پێکهێنانی ڕێکخراوی دیمۆکراتیکی تایبه‌تیی خۆیان و هاتنه‌مه‌یدانی خه‌بات بۆ ڕزگاری له بنده‌ستی و چه‌وسانه‌وه.
خ ـ هاندانی لاوانی کورد بۆ فێربوون و داهێنان وپاراستنی داب ونه‌ریتی ڕه‌سه‌نی جوانی کورده‌واری، پێکهێنانی ڕێکخراوی تایبه‌تی خۆیان و به‌شداری و چالاکی فه‌رهه‌نگی، هونه‌ری و خه‌باتی سیاسی.
د- سه‌لماندن و ڕێزگرتن له مافی نه‌ته‌وه‌یی وکولتوری که‌مایه‌تیه‌کانی دانیشتووی کوردستان و نه‌هێشتنی هه‌ڵاوارده‌یی وجیاوازی و هانی به‌شداریکردنیان له خه‌باتی ڕزگاریخوازی و کاروباری کۆمه‌ڵایه‌تی.
ر- سڕینه‌وه‌ی هه‌موو ئاسه‌واره‌کانی داگیرکاری له ناوچه‌کانی کوردستان.
ئارم و ئاڵای پارتی سەربەستیی كوردستان
ئاڕمی پارتی سهربهستیی کوردستان و پێناسه‌‌که‌ی.
١. نه‌‌خشه‌ی كوردستان به‌ڕه‌نگه‌كانی ئاڵای كوردستانه‌وه.
٢. ڕه‌نگی سه‌وز مانای سه‌رسه‌وزیی و ئاوه‌دانی كوردستان ده‌گه‌یه‌نێ.
٣. گوڵه‌گه‌نم، به‌نیشانه‌ی ده‌وڵه‌مه‌ندیی كوردستانه له بواری کشتوکاڵدا.
٤، ڕه‌نگی شینی تۆخ کە ئارمەکەی لە نێۆ دانراوە، هیماو ڕەنگی پەسەندی پسک
٥. دوو باڵنده‌ی ئازادكراو له‌قه‌فەسی داگیركه‌ر، به نیشانه‌ی ڕزگاریی و سه‌ربه‌خۆیی خاک و خه‌ڵکی کوردستان له قه‌فه‌سی داگیركه‌ران.
٦. ڕه‌نگی سووربه مانای ئه‌وه‌یه که گه‌لی کورد له پێناو سه‌ربه‌خۆیی و سهربهستیی کوردستاندا خوێنی زۆری داوه و له داهاتووشدا ئاماده‌ی هه‌مه‌جۆره فیداکارییه‌که بۆ خاک و وڵاته‌که‌ی خۆی.
٧. نووسراوه‌ی P.S.K کورتکراوه‌ی ناوی "پارتی سهربهستیی کوردستان"ه.
ڕێکه‌وتی بڵاوکرانه‌وه : 2022/04/26 07:58:44
پارتی سهربهستیی کوردستان ©
ژماره‌‌‌ی وتسئاپ 
