کۆبوونەوەیەکی گرنگی هاوپەیمانی سەربەخۆخوازانی رۆژهەڵاتی کوردستان لە سلێمانی بەڕێوە چوو.

ڕێکەوتی ٢٢ی ڕەزبەری ٢٧١١ی کوردی، بەرامبەر ١٢ / ١٠  / ٢٠ ١٠  ی زاینی. سەرکردایەتی هەر ٣ پارتی ئەندام لە هاوپەیمانی سەربەخۆخوازانی ڕۆژهەڵاتی کوردستان، کە بریتین لە کۆمەڵە: پارتی سوسیالدیمۆکراتی کوردستان، پارتی سەربەستیی کوردستان و پارتی لیبراڵدیمۆکراتی کوردستان. بە مەبەستی تاوتۆیکردنی هیندێک خاڵی گرنگ و پێوەندیدار بە گۆرانکارییەکانی ئیستا و ئایندەی ئێران و ڕۆژهەڵاتی کوردستان، لە شاری سلێمانی لە هەرێمی کوردستان کۆبوونەوە.
شاندی هەر ٣ لایەن لە سەر ئەم خاڵانەی خوارەوە شرۆڤەیان کرد و بیرورایان گۆرییەوە.
١ - هەڵبژاردنەکانی پەرلەمانی ئێران کە لە چەند مانگی داهاتوو دەستپێدەکات. خۆ ئامادەکردن بۆ هەڵویستی هاوپەیمانیمان لەو بوارەوە.
٢ - بە هێزکردنی کار و چالاکی هاوپەیمانی و یەکێتی و یەکریزی لەگەڵ لایەنەکانی دیکەی کوردستانی.
٣ - باسێکی گشتی لە سەر هەل و مەرجی کوردستان و ڕۆژهەڵاتی ناوەڕاست.
لەو کۆبوونەوە سێ لایەنەدا، شاندی هەر ٣ لایەن بریتی بوون لە :
شاندی پارتی سەربەستیی کوردستان: عارف باوەجانی سەرۆکی پ س ک و وتەبێژی هاوپەیمانی سەربەخۆخوازانی ڕۆژهەڵاتی کوردستان، جەوهەر میرزایی ئەندامی پێوەندییەکانی هەولێری پسک.
شاندی پارتی لیبراڵدیمۆکراتی کوردستان: عەلی زیرەک سەرۆکی پارتی لیبراڵدیمۆکراتی کوردستان.
شاندی کۆمەڵە: پارتی سوسیالدیمۆکراتی ڕۆژهەڵاتی کوردستان: عەبدوڵا کۆنەپۆشی و سەبری بەهمەنی، ئەندامانی سەرکردایەتی.
لە کوتاییشدا بریار درا کە هەتا دەستپێکی هەڵبژاردنەکان دانیشتنەکانی هاوپەیمانی درێژەی ببێت.

هاوپەیمانی سەربەخۆخوازانی ڕۆژهەڵاتی کوردستان.