بەڕێز سەلاح موهتەدی سەردانی پارتی سەربەستیی کوردستانی کرد.

بەڕێز سەلاح موهتەدی کەسایەتی سیاسی و ناوداری رۆژهەڵاتی کوردستان لە ڕێکەوتی ٤/١/٢٠ ١٢ سەردانی پارتی سەربەستیی کوردستانی لە شاری سلێمانی کرد.
کە لە لایەن بەڕێزان عارف باوەجانی سەرۆکی پارتی سەربەستیی کوردستان و ئیسماعیل ڕەسووڵی و موحەممەد جەمشیدی ئەندامانی سەرکردایەتی و ئەڤین موحەممەدی بەرپرسی ڕێخکراوی ژنانی سەربەستیی کوردستان لە سلێمانی بە گەرمی پێشوازیکرا.
لەو دانیشتنەدا باسێکی گشتی لە مەڕ هەلو مەرجی ئیستای کوردستان بە گشتی و ڕۆژهەڵاتی کوردستان بە تایبەت کرا. لە درێژەی دانیشتنەکەدا باس لە پرش و بڵاوی هێزە کوردستانییەکان کرا، و ئەمەش بە خاڵێکی لاواز بۆ رۆژهەڵاتی کوردستان هەڵسەنگێندرا. هەروەها هەریەک لە بەرێزان باوەجانی و موهتەدی پێداگریان لە سەر زەروورەتی لێکنزیکبوونەوەی لایەنە کوردستانیەکان کرد و ئاواتیان خواست کە ئەم لێکنزیکبوونەوە بە زووترین کات بە دیبێت.
پاش ٢ کاتژمێر لەو دیدارە دۆستانەدا بەڕێز موهتەدی لە لایەن سەرۆکی پارتی و شاندی خانەخۆی بەڕێزەوە بەڕێکرا.

ناوەندی ڕاگەیاندنی پارتی سەربەستیی کوردستان/ سلێمانی
٤ / ١/ ٢٠ ١٢