ڕێکەوتی ١٠  ی ڕەشەممەی ٢٧١١ ی کوردی بەرامبەر بە ٢٩/٢/٢٠ ١٢ زاینی کۆبوونەوەی ژمارە٣ ی دەورەی دووەمی هاوپەیمانی، بە بەشداری هەر یەک لە بەڕێزان هێرش عەلیزادە و ڕەزا لوتفی لە کۆمەڵە پارتی سوسیالدیمۆکراتی کوردستان، و بەڕێزان عارف باوەجانی و نەدا کوردی لە پارتی سەربەستیی کوردستان بەڕێوە چوو.
لە کۆبوونەوەی هاوپەیمانی سەربەخۆخوازانی رۆژهەڵاتی کوردستان ئەم باس و تەوەرانە قسەیان لە سەرکرا.
چاوخشاندنێک بە هاوپەیمانی و دۆستایەتی هەردوو لایەنمان و هەڵسەنگاندنی کارەکانی پێشووی هاوپەیمانی و پلان و کاری داهاتووی هاوپەیمانی. هەروەها لێدوان لەسەر یەکێتی نەتەوەکانی بندەست و چالاکبوونی رۆڵی کورد لەو بەرەدا.
تەوەری دیکەی کۆبوونەوەکە پێشنیاری بەستنی سیمینارێکی نەتەوەیی بە بۆنەی یادی سێساڵەی دامەزراندنی هاوپەیمانی سەربەخۆخوازان بوو.
لە بەشی کۆتایی کۆبوونەوەکە، ڕێکەوتن لە سەر کاری ٤ مانگی داهاتووی هاوپەیمانی سەربەخۆخوازانی رۆژهەڵاتی کوردستان و دابەشکردنی کارەکان و دیاریکردنی کاتەکانیان دوو لایەنە بریاری لە سەر درا.
پاش ٢ کاتژمێر شرۆڤەکردن لەسەر خاڵەکان کۆبوونەوە بە سەرکەوتوویی کۆتایی بە کارەکانی خۆی هێنا.

هاوپەیمانی سەربەخۆخوازانی رۆژهەڵاتی کوردستان / ٢٩/٢/٢٠ ١٢
[email protected]