بەشداری شاندێکی پارتی سەربەستیی کوردستان لە ئاهەنگی نەورۆزی ٢٧١٢ی کوردی لە هەولێری پایتەخت.

ئەمرۆ ٢٠  / ٣ / ٢٠ ١٢ و سەرەتای ٢٧١٢ ی کوردی. لە هەولێری پایتەختی هەرێمی کوردستان، ئاهەنگێکی شایستە بە بەشداری بەڕیز مەسعود بارزانی و دەیان وەزیر و پەرلەمانتارو دیپلوماتی وڵاتان و نۆێنەری حیزب و لایەنەکانی هەر ٤ پارچەی کوردستان بەڕێوە چوو.
پارتی سەربەستیی کوردستانیش یەکێک لەو پارتانە بوو کە لە لایەن لێژنەی ئامادەکاری ڤیستیڤاڵی نەورۆزەوە بۆ ئەو ئاهەنگە بانگهێشتکرابوون، شاندەکە بریتی بوون لەبەریزان عارف باوەجانی سەرۆکی گشتی وموحەممەد جەمشیدی ئەندامی سەرکردایەتی و بەڕێزان عەلی مورادی بەرپرسی کۆمیتەی شارەزوور و هەر یەک لە خەلیل ئاسودە و هێمن کرماشانی ئەندامانی پێوەندییەکان.
ئاهەنگی نەورزۆ پاش پێشکەشکردنی گۆرانی خۆش لە لایەن چەند هونەرمەندێکەوە، مەشخەڵی ئاگری نەورۆز لە لایەن جەنابی سەرۆک مەسعود بارزانی هەڵگیرسا، و پاشان ئاسمانی هەولێری پایتەخت بە گری ڕووناکیکەرەوە ڕازایەوە.

ناوەندی ڕاگەیاندنی پارتی سەربەستیی کوردستان
نەورۆزی ٢٧١٢ ی کوردی