سەردانی شاندێکی پارتی سەربەستیی کوردستان بۆ لای بەڕێزان د. ئەرسەلان بایز سەرۆکی پەرلەمان و د. حەسەن موحەممەد سوورە جێگری سەرۆکی پەرلەمانی کوردستان.



ڕێکەوتی٨ ی خاکەلێوەی ٢٧١٢ی کوردی ٢٨/٣/٢٠ ١٢ زاینی. لە درێژەی چالاکییە دیپلوماتییەکانی پارتی سەربەستیی کوردستان، شاندێکی سەرکردایەتی پ س ک بە سەرۆکایەتی عارف باوەجانی سەرۆکی گشتی و بەڕیزان ئاهورا هەورامی وموحەممەد جەمشیدی، فەرحان کەریمی و خەلیل ئاسودە ئەندامانی پێوەندییەکان، بە مەبەستی پیرۆزبایی کردن لە هەر یەک لە بەڕێزان دوکتۆر ئەرسەلان بایز وەک سەرۆکی نۆیی پەرلەمانی کوردستان و دوکتۆر حەسەن موحەممەد وەک جێگری نۆیی سەرۆکی پەرلەمان، سەردانی پەرلەمانی کوردستانیان کرد .
لە لایەن بەڕیزانی سەرۆکایەتی پەرلەمانی کوردستان بە گەرمی پێشوازیکران.
سەرەتا بەڕێز باوەجانی بە بە ناوی گشت هەڤاڵانی لە پارتی سەربەستیی کوردستان پیرۆزبایی گەرمی ئاراستەی سەرۆک و جێگری سەرۆکی پەرلەمانی کوردستان کرد.
لەو دیدارە دۆستانەدا چەند تەوەرێکی گرنگی ئەمرۆیی کوردستان دوولایەنە باسی لە سەرکرا.هەر لە درێژەی دیدارەکەدا کە لەگەڵ بەڕیز د. حەسەن موحەممەد سوورە جێگری سەرۆکی پەرلەمانی کوردستان بوو، لە لایەن بەڕێز باوەجانی سەرۆکی پارتی سەربەستی کوردستان کورتە ڕاپۆرتێک لە سەر ژیانی پەنابەرانی رۆژهەڵاتی کوردستان کە لە ئۆردوگاکانی هەرێمی کوردستان دەژین ئاراستەی پەرلەمانی کوردستان کرد و، داوای لە بەڕیزیان کرد کە کێشەی کوردەکانی رۆژهەڵات لە پەرلەمان باسی لێوەبکرێت و لە نزیکەوە پەرلەمان ئاگاداری هەل و مەرجی پەنابەران بێت.


لە کۆتاییدا شاندی پارتی سەربەستیی لە لایەن سەرۆکایەتی پەرلەمان و کارگێرانیان بە ڕێزەوە بەڕێکران.

ناوەندی ڕاگەیاندنی پارتی سەربەستیی کوردستان.
٨ی خاکەلێوەی ٢٧١٢ی کوردی