پەیامی پیرۆزبایی عارف باوەجانی سەرۆکی پارتی سەربەستیی کوردستان
بۆ بەڕێز نێچیرڤان بارزانی سەرۆکی حکومەتی هەرێمی کوردستان.



بەڕێز کاک نێجیرڤان بارزانی سەرۆکی حکومەتی هەرێم.
لەگەڵ ڕێز و سڵاو.
به‌ بۆنه‌ی هەڵبژاردنەوەی بەڕێزتان وەک سەرۆکی کابینەی حەوتەم و بە دەستهێنانی دەنگی زۆرینەی پەرلەمانی کوردستان، لە لایەن خۆم و گشت هاوبیرانم لە پارتی سەربەستیی کوردستان گەرمترین پیرۆزباییتان ئاراستە دەکەم.
سەرۆکێکی گەنج و لێهاتووی خاوەن ئەزموونی وەک بەڕێزتان جێگەی دڵخۆشی و ئاوەدانییە بۆ نیشتیمانەکەمان. بە دڵنیاییەوە بەڕیزتان هەنگاوی نۆێتر بۆ پێشکەوتنی هەرێمی کوردستان لە بوارە جیاوازەکاندا دەنێن.
گۆرانکارییەکانی رۆژهەڵاتی ناڤین وامان پێشاندەدا کە کوردستانیش بەرەو پێشەوە هەنگاو دەنێت و چاوەروانی گۆرانکارییەکی گەورە لە هەرێمی کوردستان دەکرێت.
بەو هیوایە لە درێژەی تەمەنی کابینەی حەوتەمدا وڵاتەکەمان بەرەو سەربەخۆیی یەکجاری خۆی ئامادە بکات و یەکێتی و تەبایی زیاتر لە کوردستان گەشە بستێنێت.
جێی خۆیەتی کە دەستخۆشانەش بۆ سەرۆک و گشت وەزیرەکانی کابینەی شەشەمی پێشوو بکەین.
بە هیوای سەرکەوتنی زیاتر بۆ حکومەتی هەرێمی کوردستان.

عارف باوەجانی / سەرۆکی پارتی سەربەستیی کوردستان
٢ی خاکەلێوەی ٢٧١٢ ی کوردی. ٩ / ٤ / ٢٠ ١٢ ی زاینی