لە کۆمیتەی ئامادەکاری کۆنگرەی دووەمی پارتی سەربەستیی کوردستانەوە، بۆ گشت ڕووناکبیرانی ڕۆژهەڵاتی کوردستان.


ڕاوێژ و ڕاوێژکردن، ئەو کردارەیە کە لە یەکەم رۆژی دروستبوونی پارتی سەربەستیی کوردستانەوە، بووەتە بەشێک لە فەرهەنگی کاری ئەم پارتە. لەم پێوەندییەشدا تا ڕادەیەکی بەرچاو کەڵکی لێوەرگیراوە، و پێشوازیش کراوە.
گشت ئێوەی ڕوناکبیر و نەتەوەیی کوردستان ئاگادار دەکەینەوە کە : پارتی سەربەستیی کوردستان لە ئایندەیەکی نزیکدا کۆنگرەی دووەمی خۆی لە ژێر ناوی (کۆنگرەی بەرەو کۆکردنەوەو یەکگرتنی سەربەخۆخوازانی ڕۆژهەڵاتی کوردستان) دەبەستێت.
وەک کۆمیتەی ئامادەکاری کۆنگرە، داوا لە گشت ڕووناکبیران و کەسایەتییە کوردستانیەکان دەکەین، کە لە بوارە نەتەوەیەکان، کۆمەڵایەتییەکان و هەر بوارێکی دیکە کە ئەمرۆ لە رۆژهەڵاتی کوردستان بەرچاوە هاوکاریمان بکەن. هەر کێشەیەکی بەرچاو لە کوردستان دەبینن و پێتان وایە کە پێویستە لایەنە کوردستانیەکان گرنگی پێبدەن، بەو ناونیشانانەی خوارەوە ئێمەی لێ ئاگادار بکەنەوە. تا بتوانین بیخەینە نێو ڕۆژەڤی کارەکانی کۆنگرەوە.

[email protected]
فایسبووک Kongrey Dwem PartiSerbesti
چاوەروانی ڕێنوێنی و هاوکاریتانین.

ڕێزی زۆرمان
کۆمیتەی ئامادەکاری کۆنگرەی دووەمی پارتی سەربەستیی کوردستان.

سەرماوەزی ٢٧١٢ی کوردی. ١٥/ ١٢ / ٢٠ ١٢ میلادی