ڕوونکردنەوەیەک لە لایەن ئیسماعیل ڕەسووڵی بۆ گشت ئەندامانی پارتی سەربەستیی کوردستان و ڕای گشتی کوردستانیان.

من سمایل ڕەسوڵی ئەندامی سەرکردایەتی پارتی سەربەستیی کوردستان، زۆر نگرانی خۆم پێشاندەدەم بەرامبەر بەو ٣ هاوبیرەمان کە چەند ڕۆژ پێش کۆنگرە ئەو بڵاوکراوەیان دایە دەرەوە. مرۆڤی سیاسی ئەگەر خۆی بە خەمخۆری نەتەوەو پارتەکەی بزانێت دەبیت لە نێۆ کۆنگرە کێشەکان چارەسەر بکات. هەرچەند من کێشەیەکی ئەوتۆ نابینم، چوون ١٠ خاڵ وەک پێشنیار هەبووە، هەر دەخاڵەکە ڕەزامەندی لەسەر پێشاندرابوو. ئیدی دەبوو بهاتایەنە نێۆ کۆنگرەوە.
ئەو ٣ برایە ماوەیەکە نامە دەنیرن بۆ سەرکردایەتی پارتی سەربەستیی کوردستان و شۆێنانی دیکە، کە گوایا من نۆینەری ئەوانم لە کوردستان. من لەم ڕوونکردنەوەدا بە گشت ئەندامان و دۆستانی پارتی سەربەستیی کوردستان، و لایەنە پێوەندیدارەکانی هەرێمی کوردستان ڕادەگەیەنم، کە من لەگەڵ پارتی سەربەستیی کوردستانم بە سەرۆکایەتی کاک عارف باوەجانی، و لەگەڵ بەستنی کۆنگرەی دووەمدام کە لە هەرێمی کوردستان، لە ١٤ / ٢ / ٢٠ ١٣ دەبەسرێت.
داوا لەو بەریزانە دەکەم بە هیچ شێوەیەک ناوی من بە کار نەهێنن، دیارە ماوەیەکی زۆرە دەمەویست ئەو ڕوونکردنەوە بدەمە دەرەوە. بەڵام بەهۆی کاری رۆژانەم بۆ بژێوی ماڵ ومناڵم دەستم بە ئینتەرنێت ڕا نەدەگەیشت. لە ڕێگەی تەلەفونەوە ڕوونکرنەوەشم بە چەند کەس داوە، کە یەکدانەیان رۆژنامەنووس بووە.
بە هیوای سەرکەوتنی کۆنگرەکەمان، کۆنگرەی دووەمی پارتی سەربەستیی کوردستان.

سمایل ڕەسوڵی ئەندامی سەرکردایەتی پسک
[email protected]
١٢ / ٢ / ٢٠ ١٣