دیاریکردنی ئەنجوومەنی سەرۆکایەتی( پ س ک)، کە بریتین لە هەر یەک لە بەڕێزان ئیبراهیم جاف، دڵشاد پەروانە، وریا ساڵحزادە. ئەو ئەنجومەنە وەک یاریدەدەری سەرۆکی گشتی پ س ک کاری سەرۆکایەتی پارتی سەربەستیی کوردستان بەڕێوە دەبات.
ڕاپۆرتی کۆتایی پلۆنۆمی یەکەمی پاش کۆتایی کۆنگرەی دووەمی پارتی سەربەستیی کوردستان.
ڕۆژی یەکشەممە٤ی (نەورۆز) خاکەلێوەی ٢٧١٣ی کوردی بەرامبەر بە ٢٤ / ٣ / ٢٠ ١٣ زاینی، پلۆنۆمی یەکەمی پاش کۆنگرەی دووەمی پارتی سەربەستیی کوردستان، کە دەبێتە چوارەمین پلۆنۆمی پارتی سەربەستیی کوردستان بە بەشداری زۆرینەی ئەندامانی ئەنجومەنی سەرکردایەتی و جێگران و ڕاوێژکاران بەڕێوە چوو.
پلۆنۆم سەرەتا بە سروودی نەتەوایەتی ئەی ڕەقیب کرایەوە و پاشان بەم خاڵانەی خوارەوە دەستی بە کارەکانی کرد.
١- باسێکی کورت لەسەر کۆنگرەو دەنگدانەوەی کۆنگرە لە ئاست ڕای گشتی کوردستانی و جیهانی پێشکەشکرا.
٢- دیاریکردنی ئەنجوومەنی سەرۆکایەتی( پ س ک)، کە بریتین لە هەر یەک لە بەڕێزان ئیبراهیم جاف، دڵشاد پەروانە، وریا ساڵحزادە. ئەو ئەنجومەنە وەک یاریدەدەری سەرۆکی گشتی پ س ک کاری سەرۆکایەتی پارتی سەربەستیی کوردستان بەڕێوە دەبات.
٣- دابەشکردنی کارەکانی ( پ س ک ) بە سەر هەرێمەکان و دیاریکردنی بەرپرسەکانیان. هەروەها دیاریکردنی پۆستەکانی ئەندامان و جێگرانی دیکەی ئەنجومەنی سەرکردایەتی.
٤- باسێکی تێرو تەسەل لە سەر هەڵبژاردنەکانی داهاتووی ئێران، کە پاش تاوتۆێکردن، بە دەنگی زۆرینەی پلۆنۆم بریاری بایکوتکردنی هەڵبژاردن لە لایەن( پ س ک ) درا.
٥- لێدوانێکی تێرو تەسەل لە سەر پێوەندییەکان کراو بەرپرسی پێوەندییەکان و کارنامەی پێوەندییەکان دیاریکرا.
هەروەها بەرپرسی هەر یەک لەناوەندی پێوەندییەکان، دارایی، ڕاگەیاندن، فێرگە ، بارهێنان، زانیاری و لێکۆڵینەوە دیاریکران.
بەشێکی دیکەی کاری پلۆنۆم تەرخانکرابوو بۆ لێدوان لە سەر هیندێک لایەن و کەسایەتی کوردستانی، کە پێشنیاریان ئاراستەی پارتی سەربەستیی کوردستان کردوە، بۆ ئەوەی کە هەموو پێکەوە بتوانین پێکەوە و بە یەکگرتوویی لە ژێر ناوی پارتی سەربەستیی کوردستان درێژە بە تێکۆشانیان بدەن.
لە کۆی گشتی کارەکان پلۆنۆم و پاشماوەی چەند کارێکی دیکە، پلۆنۆم ئەنجومەنی سەرۆکایەتی راسپارد کە ئەو ئەرکانە بەرێوە ببات.
پاش ٧ کاتژمێر کاری بەردەوامی پلۆنۆم، کۆتایی بە کارەکانی هێنرا.
٤ ی(نەورۆز) خاکەلێوەی ٢٧١٣ی کوردی، بەرامبەر بە ٢٤ / ٣ / ٢٠ ١٣ زاینی.
www.psk2006.org
[email protected]