کوردستان بە تەقینەوە و شەهید بوون بە چۆکدا نایەت. عارف باوەجانی

مەبەستی پێشاندانی نا ئارامی لە کوردستان تەقینەوەیەکیان ئەنجامدا. کە بە داخەوە ٦ پێشمەرگەو گیانفیدای وڵاتەکەمانیان شەهیدکرد، و بە دەیان تێکۆشەری دیکەیان بریندار کرد.

کوردستان بە تەقینەوە و شەهید بوون بە چۆکدا نایەت.


لە پەیجی فەرمی عارف باوەجانی / سەرۆکی پارتی سەربەستیی کوردستان وەرگیراوە
https://www.facebook.com/pages/Aref-Bawecani-%D8%B9%D8%A7%D8%B1%D9%81-%D8%A8%D8%A7%D9%88%DB%95%D8%AC%D8%A7%D9%86%DB%8C/197961183628816

لە پاش کارەساتە دڵتەزینەکانی یەکی شوباتی ٢٠ ٠ ٤ بۆ سەرەوە، شاری هەولێری پایتەختی باشوری کوردستان ڕۆژگارێکی ئارام و پێشکەوتنی تێپەراند. هەولێر ببوە پایتەختی ئاشتی و ئاوەدانی.
تا سەر ئەنجام لە حەوتووی پێشوو هەڵبژاردنێکی مۆدێرینی بە خۆیەوە بینی و لە ئاست جیهاندا باس لە پێشکەوتنەکانی کوردستان و هەڵبژاردنە دیمۆکراتیەکەی وەک وڵاتێکی سەربەخۆ دەکرا. کە بە خۆشییەوە لایەنی براوەو نەبراوەی ئەو هەڵبژاردنە پێشوازییان لە ئاکامەکەی کرد، و هەموو بە تێکرا باسیان لە پاراستنی ئاسایشی هەرێمی کوردستان کرد. ئەمەش بۆ نەیارانی کورد زۆر دژوار بو، هەر بۆیە ئەمرۆ ٢٩ / ٩/ ٢٠ ١٣ لە پلانێکی گڵاو دژ بە مرۆڤایەتی، بە کەڵکوەرگرتن لە ئۆتۆمبیلی ئانبوڵانسی گوازتنەوەی نەخۆش، و مەبەستی پێشاندانی نا ئارامی لە کوردستان تەقینەوەیەکیان ئەنجامدا. کە بە داخەوە ٦ پێشمەرگەو گیانفیدای وڵاتەکەمانیان شەهیدکرد، و بە دەیان تێکۆشەری دیکەیان بریندار کرد.
سەرەخۆشی ئاراستەی گشت بنەماڵەی شەهیدان دەکەم. و هیوای چاکبوونەوەی خێرا بۆ بریندارەکان دەخوازم. 
دوژمنان وناحەزانی کوردستان وا دەزانن بەم کردەوە خەڵکی کورد دەترسێنن. یا دەسکەوەتە سیاسی و دیپلوماتییەکانی کوردستان دەخەنە مەترسییەوە. بەڵام پێچەوانەی بیرکردنەوەی ئەوان یەکریزی و یەکگرتوویی کورد لەمرۆ بە هێزتر بوو. هەروەها هاودەردی وڵاتانی دۆستی کورد و میدیا جیهانیەکان سەلماندیان کە کورد بە هێز بووە و هەرگیز بەم کردەوانە بە چۆکدا نایەت. بگرە ئەوە دوژمنانی گەلی کوردن کە لە ئاست پێشکەوتنەکانی کوردا لاواز بوون. لە کۆتاییدا دەڵێم هەولێری هۆلاکۆ بەزێن هەموومان لەگەڵتاین

براو دڵسۆزتان
عارف باوەجانی