بەندییەکی دیکەی رۆژهەڵاتی کوردستان  بە ناوی حەبیبوڵلە گوڵپەریپور لە سێدارە درا.

هێزەکانی سەرکوپکەری کۆماری ئیسلامی ئێران، لە درێژایی دەسەڵاتداریتیان بەردەوام لە  هەوڵی گرتن و لە سێدارەدان و ڕاونان و تۆقاندنی لاوان و ئازادیخوازانی کوردستانیاندان. تازەترین کارەساتی ئەم ڕێژیمە مرۆڤکوژە ئەوەیە کە لەڕێکەوتی شەوی٣ی  لە سەر٤ی گڵارێزانی ٢٧١٣ی کوردی، بەرامبەر بە  ٢٥ لە سەر ٢٦ / ١٠  / ٢٠ ١٣ ی زاینی، لاوێکی دیکەی کوردیان بە ناوی حەبیبوڵا گوڵپەریپوری لە سێدارەدا. کە بەریزیان بۆ ماوەی ٤ ساڵە بە تاوانی ئەندامبوون لە یەکێک لە پارتەکانی کوردستانی بەند کرابوو. لە ماوەی ئەو ٤ ساڵەدا تووشی زۆر ئەشکنجەو ئازاری جسمی و دەرونی کرابوو. بە گۆێرەی هەواڵێکی تایبەتی لە زاری پارێزەکەی شەهیدی ڕێگای کوردایەتی، ناوبراو دۆێنی کاتژمیر ١٢ی شەو لە بەندیخانەی ورمی  لە سێدارەدراوە.
حەبیبوڵڵا گوڵپەری پوور تەمەن ٢٩ ساڵەو، و لەدایکبووی شاری سنەی ڕۆژهەڵاتی کوردستانە. پاییزی ٢٠ ٠ ٩ لەشاری مەهاباد دەستبەسەرکراو، دوای چەند مانگ گوازرایەوە بۆە بەندیخانەی ناوەندی ورمی .
وەک ناوەندی ڕاگەیاندنی پارتی سەربەستیی کوردستان بە تووندی ئەو کردەوەی کۆماری ئیسلامی ئێرانە مەحکوم و ڕسوا دەکەین، و سەرەخۆشی ئاراستەی گەلی کورد و بنەماڵەی شەهیدی جوانەمەرگە حەبیبوڵا دەکەین.


 


ناوەندی ڕاگەیاندنی پارتی سەربەستیی کوردستان.
٣ی گڵارێزانی ٢٧١٣ی کوردی، ٢٥ / ١٠  / ٢٠ ١٣زاینی