خۆشحاڵم بە بینی جەنابی مامجەلال تاڵەبانی لە کاتی دەنگداندا.


ماوەی نزیک بە ١٧ مانگە کە جەنابی مام جەلال تاڵەبانی سکرتێری یەکێتی نیشتیمانی کوردستان و سەرۆککۆماری ئێراقی بواری تەندروستی تێکچوبوو، گوازرایەوە خەستەخانەیەکی ئەڵمانیا. لەو کاتە بەو لاوە بە دەیان شێوە بیرکردنەوە لە سەر ژیانی جەنابی مامجەلال دەکرا و شرۆڤەی لە سەر دەکرا.
مامجەلال سەرکردەیەکی مێژوویی بە توانای گەلی کوردە. خاوەنی مێژوویەکی زیاد لە٦٠  ساڵ خەبات و تێکۆشانە. هەربۆیەش هەموو گەلی کورد بە گشت چین و تۆێژێکەوە دوور لە بیروباوەری حیزبی و سیاسی، بە تامەزرۆوە چاوەروانی هەواڵی تەندروستی مامجەلال بوون. بە خۆشییەوە ئەمرۆ لە سەر شاشەی تەلەفزۆێنەکان لە کاتی بەشداری لە هەڵبژاردنی پەرلەمانی ئێراق و ئەنجومەنی شارەوانییەکانی کوردستاندا دەرکەوت.  دەرکەوتنی مامجەلال لە دوای ١٧مانگ دڵی هەموو کوردێکی خەمخۆری سەرکردە بە تواناکانی گەلەکەمانی خۆش کرد.

منیش لێرەوە خۆشحاڵی خۆم و گشت هەڤاڵانم لە پارتی سەربەستیی کوردستان بە بۆنەی دەرکەوتنەوەی جەنابی مامجەلال بەو تەندروستیە باشەوە پێشاندەدەین. هیوادارین کە بە زووترین کات بێتەوە کوردستان و زیاتر دڵی هەموو لایەک خۆش کات.

بەڕێزەوە 
عارف باوەجانی/  سەرۆکی پارتی سەربەستیی کوردستان
 ٨ی بانەمەری ٢٧١٤ی کوردی. بەرامبەر بە ٢٨ /  ٤ / ٢٠ ١٣ زاینی

لە پەیجی فەرمی فایسبووک  وەرگیراوە.
Aref Bawecani عارف باوەجانی‎