لە  هه‌‌‌ولێری پایتەختی باشوری کوردستان بۆ پشتگیریکردن له‌‌‌ به‌‌‌رخۆدانی کۆبانێ ڕۆژئاوای کوردستان، خۆپیشاندانێک بەڕێوەچوو.


لە سەر بانگهێشتی ٣٥ لایەنی کوردستانی، ڕۆژی ٨ / ١٠  / ٢٠ ١٤  بە بەشداری ژمارەیەکی بەرچاو لە بەرپرسانی حکومەتی و حیزبی و پەرلەمان و ڕێکخراوە جۆراوجۆرەکانی کوردستان، خەڵکێکی زۆر لە هەولێری پایتەخت بە مەبەستی پشتیوانی لە رۆژئاوای کوردستان و شاری کوبانی کە ئیستا کەوتووەتە بەر مەترسی پەلاماری درندەترین تیروریستی جیهانی داعش.
بەشداران بە تێکرا داوای یەکگرتووی کوردان و بە هاناوەچوونی کۆبانیان کرد. هەروەها داوای پشتگیری ڕێکخراوەکانی جیهانیان بۆ کوبانی کرد.

شایانی ئاماژە پێکردنە کە پارتی سەربەستیی کوردستان یەکێک لەو ٣٥ لایەنە کوردستانیە بووە کە ٢ رۆژ پێش بانگەوازی بەشداری جەماوەییان لە خۆپێشاندانی هەولێر هەبووە، هەروەها لەو خۆپێشاندانەی ئەمر٠¶دا بە دەیان کەس لە ئەندامان و لاینگرانی پارتی سەربەستیی کوردستان لەو خۆپێشاندانەی هەولێر بەشداری چالاکانەیان هەبوو.

ناوەندی ڕاگەیاندنی پارتی سەربەستیی کوردستان
٨ / ١٠  / ٢٠ ١٤