لە کرماشانی پایتەختی ڕۆژهەڵاتی کوردستان و سنەو کامیاران چەندین شاری دیکە چالاکی تایبەت بە کۆبانی بەڕێوە چوو. تایبەت بە ماڵپەری پسک ٢٠ ٠ ٦


بە گۆیرەی هەواڵی تایبەت لە رێکخستنەکانی پارتیمان لە کرماشانی پایتەخت و سنەی قارەمان و کامیارانی کوردپەروەر. ئەمرۆ هەینی بە شێوەی کۆبوونەوە، گردبوونەوە، ڕێپێوان،  لەو سێ شارەو هەروەها چەندین شاری دیکەی رۆژهەڵاتی کوردستان چالاکی جەماوەری بۆ پشتیوانی لە کوبانی بەڕێوە چووە. لەو چالاکیانەش دروشمی ،هەتا کوردێک بمێنێت کوبانی هەر دەمێنێت، کوبانی لە نێۆ دڵی هەموومانی، کوبانی تۆ شەرەفی هەموو کوردانی ، و زۆر دروشمی دیکە وتراوەتەوە.
بە گۆیرەی زانیارییەکان هێزەکانی سەرکوپ کەری کۆماری ئیسلامی ئێران بە تووندی چاودێری ئەو چالاکیانەی کردوە. بە تایبەت لە گردبوونەوەکەی کرماشان کە لە مەیدانی کرناچی بەرێوەچووە، هێزێکی زۆری مەدەنی بە چەکەوە لە دەوری کۆبوونەوەکە خربوونەتەوە. پەیتا پەیتا دەمانچەکانیان بە دەستەوە گرتووە وەک پێشاندانی بەشداران کە نەوەک بیر لە جموجۆڵی تووندتر بکەنەوە.

وا چاوەروان دەکرێت لە رۆژانی داهاتوو لە ناوچەکانی ئیلامیش چەندین چالاکی بۆ پشتیوانی لە کوبانی بەڕێوە بچێت.

ناوەندی ڕاگەیاندنی پارتی سەربەستیی کوردستان
هەینی ١٠  / ١٠  / ٢٠ ١٤