باوکی کاک ئیبراهیم جاف جێگری سەرۆکی پارتی سەربەستیی کوردستان کۆچی دوایی کرد.


پاش ڕووبەڕووبوونەوەیەکی قورس وسەخت لە گەڵ نەخۆشیداشەوی٢٧ لە سەر ٢٨ مانگی ئازار. بەڕێز ئەحمەد حەسەن ژاڵەناوی باوکی بەڕێز ئیبراهیم جاف جێگری سەرۆکی گشتی پارتی سەربەستیی کوردستان، لە تەمەنی حەفتاساڵی کۆچی دوایی کرد.
ناوبراو وەک هەر کوردێکی دیکەی خەمخۆری نیشتیمانەکەی پاش ژیانێکی سەختی شاخ وپێشمەرگایەتی وجوتیاری وکریکاری ودەربەدەری، لە ژیانیدا کۆمەڵێک نەهامەتی و خۆراگری تۆمارکرد. بەڵام بنەماڵەیەکی نیشتیمانپەروەرو چەند رۆڵەیەکی کورد پەروەری لە پاش خۆی بۆ نیشتیمانەکەی بە جێهێشت.

بە ناوی ئەنجومەنی سەرکردایەتی و گشت ئەندامانی پارتی سەربەستیی کوردستان پرسەو سەرەخۆشی ئاراستەی هاوبیری نەتەوەییمان کاک ئیبراهیم جاف و گشت بنەماڵە بەرێزەکەیان دەکەین، هیوای سەبوری بۆ بنەماڵەکەیان دەخوازین.

ئەنجومەنی سەرکردایەتی پارتی سەربەستیی کوردستان
٢٨ / ٣ / ٢٠ ١٥ زاینی
٧ی نەورۆزی ٢٧١٥ی کوردی.