بەیاننامەی ئەنجومەنی سەرکردایەتی پارتی سەربەستیی کوردستان، بە بۆنەی یادی سێساڵەی کۆچی دوایی کاک فەرهاد جەهانگیری.

٣ساڵ پێش لە ڕێکەوتی ٢٤ی خاکەلێوەی ٢٧١٢ی کوردی. ١٤ / ٤ / ٢٠ ١٢ی زاینی. هاوڕێی تێکۆشەرمان جێگری دووەمی سەرۆکی پارتی سەربەستیی کوردستان کاک فەرهاد جەهانگیری ناسراو بە فەرهادە رەش، بە هۆی ڕاوەستانی دڵەوە گیانی لە دەستداو ماڵئاوایی لێکردین.
شەهید فەرهاد جەهانگیری لە کۆنگرەی یەکەمی پارتی سەربەستیی کوردستان کەلە١٣/١١/٢٠ ٠ ٩ لە ئۆسڵۆی پایتەختی نۆرویژ بە ڕێوە چوو وەک ئەندامی سەرکردایەتی هەڵبژێردرا. لەیەکەم کۆبوونەوەی سەرکردایەتی تازە هەڵبژێردراوی کۆنگرەی یەکەمدا، وەک جێگری دووەمی سەرۆکی پارتی سەربەستیی کوردستان هەڵبژێردرا..
بە ناوی ئەنجومەنی سەرکردایەتی پارتی سەربەستیی کوردستان، لەم ساڵیادە ماتەمینەدا سەرەخۆشی و خەم و پەژارەی خۆمان، جارێکی دیکە ئاراستەی بنەماڵەی هاوبیرمان کاک فەرهاد لە شاری سنەی قارەمان و هەروەها لە گشت ئەندامانی پارتی سەربەستیی کوردستان و خۆمان دەکەین.
بەڵێن دەدەین کە ڕێگای کاک فەرهاد تا سەربەخۆیی کوردستان بەردەوام دەبێت.

هەزاران سڵاو لە گیانی پاکی یەکەم شەهیدی پارتەکەمان کاک فەرهاد و گشت شەهیدانی کوردستان.
ڕۆحی شاد و ڕێگای پر ڕێبوار بێت.

ئەنجومەنی سەرکردایەتی پارتی سەربەستیی کوردستان
٢٤ی خاکەلێوەی ٢٧١٥ی کوردی، ١٤/٤/٢٠ ١٥ ی زاینی