بەیاننامەی ئەنجومەنی سەرکردایەتی پارتی سەربەستیی کوردستان لە پێوەندی بە هێرشەکەی سەر کەمپی لیبەرتی.

کۆماری ئیسلامی ئێران بە بێ گۆێدانە هیچ یاساو ڕێسایەکی نێونەتەوەیی، لە  رۆژی پێنج شەممە ٧ی خەزەڵوەری کوردی و بەرامبەر بە ٢٩ ی ئۆکتۆبەر. لە لایەن گروپێکی تروریستی دروستکراوی خۆیانەوە بە مووشەک هێرشیان کردە سەر کەمپی لیبێرتی لە نزیک بەغدا، کە کەمپی فەرمی و دروستکراوی ئەمریکاو نەتەوە یەکگرتووەکانە بۆ پاراستنی ئەندامان و لاینگرانی سازمانی موجاهیدین خەڵک. کە لە پاش دەرکردنیان لە کەمپی ئەشرەفی نزیک خاڵیس بە فەرمی گوازرابوونەوە ئەو کەمپە. بە مەبەستی گیرسانەوەیان لە شۆێنێکی ئارام و ئەمنیەتدار. بەڵام دیسانەوە کۆماری ئیسلامی ئێران پێشێلی ماڤی مرۆڤی کرد و بە پێشچاوی جیهانەوە هێرشی کردە سەر ئەو کەمپە، و لەئاکامی ئەو جینایەتەدا و بە پێی ڕاگەیاندراوەکان ٢٣ کەس کوژراوە و ژمارەیەکی زۆریش برینداریش هەیە، کە برینی زۆریان مەترسیدارە.

ئێمە وەک وەک پارتی سەربەستیی کوردستان ئەو کردەوە نامرۆڤانەی کۆماری ئیسلامی ئێران بە تووندی ئیدانە دەکەین، و بانگێشەی گشت کۆمەڵگای نێونەتەوەیی دەکەین کە لە ئاست ئەمجۆرە هێرش و پەلامارە تێروریستانەی ڕێژیمی ئێران بۆ سەرە لایەنەکانی ئوپوزوسیون و خەڵکی سیڤیل  بێدەنگ نەبن.

هەر لەو پێوەندییەدا هاوخەمی خۆمان ئاراستەی بنەماڵەی کوژراوەکان و حیزبەکەیان دەکەین.

 

ئەنجوومەنی سەرکردایەتی پارتی سەربەستیی کوردستان

٣٩ی خەزڵوەری ٢٧١٥ ی کوردی، بەرامبەر بە ٣١ / ١٠  / ٢٠ ١٥ ی زاینی