سەرەخۆشینامەی پارتی سەربەستیی کوردستان بۆ حیزبی دیمۆکراتی کوردستان.

وەک پارتی سەربەستیی کوردستان پێمانوایە کە بە پێی ئەزموون و کردەو تروریستیەکانی بەردەوامی ڕێژیمی کۆماری ئیسلامی ئێران لە ماوەی ٣٧ ساڵەی حوکمدارێتیاندا بەرامبەر بە لایەنە سیاسیە کوردیەکان و گشت ئازادیخوازاندا، کە ئەم کردەوەش زۆر لە کردەوەی دەزگای داپڵۆسێنەری ئیتلاعاتەوە نزیکە.

سەرەخۆشینامەی پارتی سەربەستیی کوردستان بۆ حیزبی دیمۆکراتی کوردستان.




بەڕێز : حیزبی دیمۆکراتی کوردستان

زۆر بە داخەوەین بۆ کارەساتی تەقینەوەکەیی ٣٠ ی سەرماوەزی ٢٧١٦ ی کوردی،  کە لە بنکەی سەرکردایەتی حیزبەکەتان روویدا.
سەرکردایەتی پارتی سەربەستیی کوردستان بە تووندی ئەو کردەوە  تروریستییەی کە بەرامبەر بە حیزبی دیمۆکراتی کوردستان کراوە،  ئیدانە دەکات، هەر لەو پێوەندییەدا سەرەخۆشی  ئاراستەی سەرکردایەتی حدک و بنەماڵەی شەهیدە سەربەرزەکانی ئەم کردەوە تروریستیە  دەکات. هیواخوازین کە بریندارەکانی ئەو کردەوەش بە زووترین کات چارەسەریان بۆ بکرێت و بگەڕێنەوە نێۆ هاوسەنگەران و بنەماڵەکانیان.

وەک پارتی سەربەستیی کوردستان پێمانوایە کە بە پێی ئەزموون و کردەو تروریستیەکانی بەردەوامی ڕێژیمی کۆماری ئیسلامی ئێران لە ماوەی ٣٧ ساڵەی حوکمدارێتیاندا بەرامبەر بە لایەنە سیاسیە کوردیەکان و گشت ئازادیخوازاندا،  کە ئەم کردەوەش  زۆر لە کردەوەی دەزگای داپڵۆسێنەری ئیتلاعاتەوە نزیکە.
هەر لەو پێوەندییەدا پارتیمان داوا دەکات لە لایەنی پێوەندیدیداری  حکومەتی هەرێمی کوردستان، کە ئەنجامدەران و دەستەکانی پشت ئەو کردەوە  تروریستییە ئاشکرا بکرێت، و ڕێگە نەدرێت کە  دەستەڕەشەکانی ڕێژیمی داگیرکەری ئێران بگاتە سەر بنکەو ژیانی کوردانی رۆژهەڵات لە باشوری وڵاتەکەیان کوردستان.

جارێکی دیکە سەرەخۆشیتان ئاراستە دەکەین، و نەفرەت لە هەموو کردەوەیەکی تروریستی دەکەین.

ئەنجومەنی سەرکردایەتی پارتی سەربەستیی کوردستان

١ی بەفرانباری ٢٧١٦ی کوردی بەرامبەر بە ٢١ / ١٢ / ٢٠ ١٦ ی زاینی