دوای ١٥ ساڵ زانرا کە من لە سەر حەەقم   

من لە ساڵی ٢٠ ٠ ٣ تا ئیستا بەردەوام هاوارم کردوە کە ئەم کابرایە گورگەو لە پێستی مەردایە، ئەم کابرایە ئاژاوە چییەو دژە کوردە، و ماڵیکورد دەشێوێنیت و سەرکردەکان لەکەدار دەکات. بەڵام بە داخەوە بروایان بە من نەدەکرد، و دەیانوت تۆ ناسیونالیزمێکی دەمارگرژی، ئەم کابرا لە فارسە دیموکراسیخوازەکان و دۆستی هەرە نزیکی کوردە.

بە داخەوە هەردوو لایەن کاناڵی تەلەفزۆێنەکانی خۆیان خستبووە ئیختیاری بگرە بەرنامەکانی عەلی زادە لە بەشە کوردییەکە زیاتر بوو، بە مەیلی خۆی پاڵی لێدەدایەوە و داستانی ئیرانی باستانی دەردخوارد دەداین.
بە خۆشحاڵییەوە ئەمرۆ دیتم کە ( حدکا ) لە ڕاگەیاندراوێکی فەرمیدا وڵامی درۆکانی ئەو کابرای نەزۆکە سیاسیەی دایەوە، هیوادارم (کۆمەڵە) ش هەروا بە درۆی بخاتەوە. هەرگیز بە دۆستایەتی ئەمجۆرە مرۆڤانە دڵخۆش نەبن، و دڵنیابن لە سەرتاسەری ئێران ١٠ ٠  کەسی لەگەڵ نییە.
ئیستاش بە مافی خۆم دەزانم کە بە گەلەکەم بڵێم : مێژوی ئەم چەند ساڵەی هاوارو نووسین و قسەکردنی من بۆ ڕاگەیاندنەکان سەلماندی کە من و پارتەکەم ڕاستگۆ و خەمخۆری سەربەخۆیی و سەربەستیی و سەروەری ڕۆژهەڵاتی کوردستانین. تا دوا هەناسەی ژیانمان ڕێگە نادەین فاشیت و ناسیونالیستی فارسی لە بەرگی ناڕاست لە ژێر ناوی دڵسۆزی، هەست و سۆزی خەڵکمان ڕاکێشن و بەرەو بیرکردنەوەی ناڕاستیان ببەن.