سه‌‌‌رله‌‌‌ئێواره‌‌‌ی دووشەممە 30ی سەپتەمبەری 2019 ڕێوڕەسمێک بۆ یادی 70 ساڵەی دامەزراندنی کۆماری چینی میللی بەڕێوەچوو.
بۆ ئەو ڕێوڕەسمە دەیان سەرکردەو بەرپرسی باڵای کوردستانی و ڕێکخراوە گرنگەکان، و هەروەها نوێنەری وڵاتان لە هەرێمی کوردستان تێیدا بەشدار بوون، سەرۆکی پارتی سەربەستیی کوردستان، یەکێک لە بەشدارانی فەرمی ئەو ڕیوڕەسەمە بوو. کە لە لایەن بەرپرسی گشتی کۆنسۆلخانەو و ستافی کۆنسۆلخانەوە بە گەرمی پێشوازی لێکرا.
لە نێو ئاخنی ئەو رێوڕەسمەدا سەرۆکی پارتی سەربەستیی کوردستانی چاوی کەوت بە زۆربەی بەرپرسە باڵاکانی هەرێمی کوردستان، وڵاتانی جیهانی لە هەرێمی کوردستان. هەروەها دیداری کورتخایەنی لەگەڵ دەیان ئەندام پەرلەمان و سەرۆک پارت و چالاکی بواری مەدەنی و ڕێکخراوە کوردستانییەکان، پێکهێنا.
لە رێوڕەسمەکەدا وێرای چەندین نمایشی هوونەری میللی چینی و کوردستانی، هاوکات پێشانگایەکی وێنەیی لەبارەی پەیوەندییەکان و کار و چالاکییەکانی کونسوڵخانەی چین لە هەرێمی کوردستان کرایەوە.

ناوەندی ڕاگەیاندنی پارتی سەربەستیی کوردستان.
٨ی ڕەزبەری ٢٧١٩ی کوردی. بەرامبەر بە ٣٠ /٩/٢٠ ١٩ی زاینی.