لە چەندین وڵاتی ئوروپایی خۆپێشاندانی ڕەوەندی کوردی بۆ پشتیوانی لە ڕۆژهەڵاتی کوردستان بەڕێوەچوو

ئەمڕۆ شەممە٢ی سەرماوەزی ٢٧١٩ی کوردی، بەرامبەر بە ٢٣/١١/٢٠ ١٩ی زاینی، ڕەوەندی کوردی لە وڵاتانی نەرویج، سوید، دانمارک، فینلاند، هۆڵەندا، بەریتانیا، و ئۆتریش. خۆپێشاندانی بەرینیان لە پایتەخت و زۆربەی شارەکانی ئەو وڵاتانە، و لە هیندێک وڵاتیش لە بەر دەرکی باڵۆێزخانەکانی کۆماری ئازادیکووژی ئیسلامی ئێران بەڕێوە برد.
لەو خۆپێشاندانەدا بە بەشداری نۆێنەری دەیان پارتی سیاسی وئەندام پەرلەمانی ئوروپی بەڕێوەچوو، وتار و پەیام و دروشمی سیاسی پیشکەش دەکرا. کە ناو ئاخنی هەموو پەیام و دروشمەکان ئاماژەکردن بوو بە پێشێلکارییەکان و دژە ئازادیەکانی کۆماری ئیسلامی ئێران. هەموو ئاماژەیان بەوە دەکرد، کە دەبێت کۆماری ئیسلامی ئێران وەک ڕێژیمێکی دیکتاتۆر بروخێت، و هیچ داگیرکەرێک لە سەر خاکی کوردستان نەمێنێت.
.ئەندامانی پارتی سەربەستیی کوردستان لەو وڵاتانەی کە ئاماژەیان پێکرا زۆر چالاکانە بەشدارییان لە خۆپێشاندانەکان کردبوو.