بەبەشداری ٩پارتی سیاسی ڕۆژهەڵاتی کوردستان، سیمینارێک بە بۆنەی ڕۆژی مافی مرۆڤەوە بەڕێوەچوو.

ڕێکەوتی ١٦ی سەرماوەزی ٢٧١٩ی کوردی، بەرامبەر بە ٧ / ١٢ / ٢٠ ١٩ی زاینی، سیمینارێک بە بۆنەی ڕۆژی جیهانیی مافی مرۆڤەوە لە لایەن ٩پارتی سیاسی ڕۆژهەڵاتی کوردستانەوە، لە شاری سترۆێمنی نزیک بە ئۆسڵۆی پایتەختی وڵاتی نەرویج  بەڕێوەچوو
کۆڕگێرانی سیمینار بریتی بوون لە بەڕێزان عەلی بەهرامی، فڕوغ رەسوڵ پوور، وریا ڕەحمانی، مریەم عەلی پوور. شاندێکی پارتی سەربەستیی کوردستانش بەشداری ئەو سیمینارە بوون، هەروەها بەڕێز کاروخ باوەجانی بەرپرسی گشتی پێوەندییەکانی پارتی سەربەستیی کوردستان، یەکێک بوو لە دەستەی بەڕێوەبەرایەتی ئەو سیمینارە.
لەو سیمینارەدا تیشک خرایە سەر زۆر خالی گرنگ، بە بەڵگەو داتاوە  ئاماژە  کرا بە پێشێلکارییەکانی کۆماری ئیسلامی ئێران، بەرامبەر بە گەلی کورد لە ڕۆژهەڵاتی کوردستان .
پارتەکانی بەشدار و بەڕێوەبەری ئەو سیمینارە بریتی بوون لە :

١ -. حیزبی دێموکراتی کوردستانی ئێران.
٢- .کۆمەڵەی شۆڕشگێڕی زەحمەتکێشانی کوردستانی ئێران
٣ - .سازمانی خەباتی کوردستانی ئێران
٤ -  پارتی سەربەستیی کوردستان
٥ - حیزبی دێموکراتی کوردستان
٦ - کۆمەڵەی زەحمەتکێشانی کوردستان
٧ - پارتی ئازادیی کوردستان
٨ - ڕێکخراوی خەباتی شۆڕشگێڕی کوردستان
٩ - پارتی سەربەخۆیی کوردستان

ناوەندی ڕاگەیاندنی پارتی سەربەستیی کوردستان