ئەم کوردستانە، بەهەشتی جوانە،
نەهی عەجەمەو نەهی تورکانە.

مێژووی دێرینی شارستانییە.
ڕێشەی دیرۆکی  مادستانیە.

مێزوپۆتامیا، قڵاکەی هەولێر
هەتا کرماشان، سامانە و زێر.

ساسانی و مادی و سۆمەرییەکان
لۆلۆیی و ئاشوور تا مغوولیەکان.

حەزرەتی نوح و گشت پێغەمبەران
هەموو شاهیدن بۆ مێژووی کوردان

لەشکری عەرەب، لەشکری تورکان
دۆراون لە گەڵ،  سوپاکەی کوردان.

ئەم  هەستو خۆشەویستیەم کە نازانم ناوی بنێم هەڵبەست یا چەند دێرێک، لە ١٢ / ٥ / ١٩٩٩ لە شاری ئۆسڵۆی پایتەختی نەرویج نووسیوە. بیرۆکەی نووسینەکە  لە کاتی دیتنی دیمەنێکی جوانی کوردستان بوو. هەرچەند کرچ و کاڵە، بەس پێمخۆش بوو وەک بیرەوەییەکی خۆم بڵاویکەمەوە.  عارف باوەجانی.