هه‌ینی 10 خاکه‌لێوه‌ 2724

من و بەکارهێنانی دەیانساڵەی دەستەواژۆی نەتەوەکانی غەیرە فارس.

عارف باوەجانی
من و بەکارهێنانی دەیانساڵەی دەستەواژۆی نەتەوەکانی غەیرە فارس.

خۆشحاڵم بەوەی کە لە مێژوودا یەکەمین بەرپرسی ڕۆژهەڵاتی کوردستان بووم، هەر لە ساڵەکانی نەوەدەکانی زاینی، و هەروەها لە ڕاگەیاندنی دامەزراندنی پارتی سەربەستیی کورد

 


من و بەکارهێنانی دەیانساڵەی دەستەواژۆی نەتەوەکانی غەیرە فارس.

 




 

 

 

 

 

 

 

 

 

 

 

 

 

 

 

 

 


خۆشحاڵم بەوەی کە لە مێژوودا یەکەمین بەرپرسی ڕۆژهەڵاتی کوردستان بووم، هەر لە ساڵەکانی نەوەدەکانی زاینی، و هەروەها لە ڕاگەیاندنی دامەزراندنی پارتی سەربەستیی کوردستان لە ساڵی ٢٠ ٠ ٦دا، دەستەواژۆی نەتەوەکانی غەیرە فارس م، بۆ ئەو نەتەوانەی کە فارس نین و نیشتمانیان لە لایەن ئێرانەوە داگیرکراوە، هێنایە نێو کۆڕو کۆبوونەوە و ڕاگەیاندنی کوردییەوە.

بە پێچەوانەوە تا ئێستاشی لەگەڵ بێت، لە کۆڕوکۆبوونەوەی سیاسی و ڕاگەیاندنەکانی زۆربەی حیزبە کوردییەکان دەستەواژۆی نەتەوەکانی ئێران بە کار دێنن، واتە هیچ شک و گوومانێک لە ئێرانی بوونی ئەو نەتەوەبندەستانە بە کوردیشەوە ناهێڵنەوە.

بەڵام ئەوڕۆ زۆر دڵم خۆشبوو کە گۆێم لە سەرۆکی یەکێک لە پارتەکانی خۆرهەڵاتی کوردستان بوو، کە لە کۆبوونەوەیەکدا، بۆ یەکەمین بار دەستەواژۆی نەتەوەکانی غەیرە فارسی بە کارهێنا. دەستخۆشی ئاراستە دەکەم و هیواخوازم هەمیشە لە بە کارهێنانی ئەو جۆرە دەستەواژەنەی کە ڕاستی داگیرکاری فارسی پێشان دەدات هیچ نەسڵەونەوە. پێویستە هەم لە ڕاگەیاندنەکانی خۆیان و هەم ڕاگەیاندنە فارسی و هی دیکەش بەردەوام بن.

زۆرجار من لە لایەن هاوبیرانی ئەو بەڕێزە و زۆر لە حیزبەکانی دیکە: بەوە تاوانبار دەکرام، کە دەستەواژۆی نەتەوەکانی غەیرە فارس، زۆر لە ئەخلاقی سیاسی کوردییەوە دوورە، و گەلی کورد لە ئێران دوور دەخاتەوە. مەبەستی ئەو وابوو یا وا فێرکرابوو کە گوایا ئێمەی کورد خەبات بۆ مافی هەموو ئێرانییەکێش دەکەین بە فارسیشەوە.

بەڵام خۆشحاڵم کە ساڵ بە ساڵ بە بوونی جووڵەی لایەنە نەتەوەییەکانی وەک ئێمە مانان، بیری نەتەوەیی بەهێزتر دەبێت، و ڕاستییەکان بۆ نەوەکانی ئێستاو داهاتوو، هەروەها بۆ کادیر و ئەندامی حیزبەکانی دیکەش ئاشکرا دەبن.

بەو هیوایە بۆ هەمیشە لە ئەدەبیاتی سیاسی کوردیدا، هەرگیز دەستەواژۆی ئێران لە پاش و پێشی ناوی کورد و کوردستانەوە بە کارنەهێنریت، و بۆ خۆێنەری کورد و بیانی وا ڕوونکرێتەوە کە گەلی کورد نەک هەر نەتەوەیەکی غەیرە فارسە، بگرە غەیرە ئێرانیشە، و ئەوەی تا ئێستا هەبووە و هەیە شتێکی بە زۆر داسەپێنراوە بە سەرماندا.



لە کۆتاییدا دەمەوێ ئەوە بە خۆێنەرانی ئازیز بڵێم، مەبەستی من لەم نووسینەدا پێداهەڵدان و تاریفکردن لە خۆم یا پارتەکەم نییە، یا مەبەستم هەرگیز لە کەمکردنەوەی خەبات و زانستی هیچ لایەن و تاکێکی دیکەی کوردی نییەو نەبووە. بگرە تەنیا مەبەستم ئەوەیە کە کۆڵنەدان لە پێناو خەباتی نەتەوەییەدا لە ئاکامدا بەروبوومەکەی دەبینینەوە، و دەزانین کە چۆن لە نێۆ کۆمەڵگاکەماندا جێدەگرێت.



هەر بژی خەبات و تێکۆشانی بەردەوام لە هەموو بوارەکاندا لە پێناو پەرەسەندنی زیاتری بیری نەتەوەیی و سەربەخۆییخوازی لە خۆرهەڵاتی کوردستاندا.

هەر تیژتر بێت نووکی پێنووسەکان. و ڕووناکتربێت شاشەی میدیاکان: بۆ نەهێشتنی ئاسەواری فارسیسزم و ئێرانیزم لە نێو هەموو ئەدەبیاتی کورد و کوردستاندا.



بەڕێزەوە



عارف باوەجانی / ٢١ی سەرماوەزی ٢٧١٩ی کوردی، بەرامبەر بە ١٢/١٢/٢٠ ١٩ی زاینی.



تێ بی نی.: ئەم وتارەم ساڵێک پێش بڵاوکردەوە، ئەمڕۆش فایسبووک وەبیری هێنامەوە و پێم باش بوو، بە تۆزێک دەستکارییەوە جارێکی دیکە بیخەمەوە بەر دەستی خوێنەران.

2021-01-20 12:05:09

3 ساڵ و 2 مانگ و 2 کاتژمێر و 52 خوله‌ک ، پێش بڵاوکراه‌وه‌ته‌وه‌
ناوه‌رۆکی ئه‌م نووسینه‌ ڕاو تێبینی نووسه‌ره، ماڵپه‌ڕی پ.س.ک هیچ لێی به‌رپرسیار نییه
تاگ : مقالات
هه‌واڵه‌کان
ناوەندی ڕۆشنبیری و ڕاگەیاندنی پارتی سەربەستیی کوردستان
عارف باوەجانی
ناوەندی ڕۆشنبیری و ڕاگەیاندنی پارتی سەربەستیی کوردستان
عارف باوه‌جانی
بەیاننامەی هاوبەشی ٣ پارتی کوردستانی
پارتی سه‌ربه‌ستیی کوردستان
کاناڵی ئەلیوم

پارتی سه‌ربه‌ستیی کوردستان ©