هاوپەیمانی ناتۆ، لە زۆربەی وڵاتە گرنگەکان کۆمیتەی ئاتڵانتیکی هەیە، کە بۆ ڕاپەڕاندنی کاروباری ڕۆشنبیری و کۆڕو سیمیناری نێونەتەوەیی. کۆمیتەی ئاتڵانتیکی نەرویجی ناتۆ، کۆنفرانسی ساڵانەی خۆی بەڕێوەدەبات لە ژێر ناوی کۆنفرانسی( کۆنفرانسی ئاسایشی لیانکۆڵنی ساڵانە. کە هەموو ساڵێک لە سەرەتای مانگی فەبرواری لە ناوچەی لیانکۆڵنی نزیک ئۆسڵۆ بە بەشداری ڕووبەڕوو بەڕێوە دەچوو، بەڵام کۆنفرانسی ئەم ساڵیان بە هۆکاری نەخۆشییە مەترسیدارەکان، بە شێوەی تەنیا چەند کەس حزووری و باقی لە ڕێگەی دیجیتاڵەوە بەڕێوە چوو، کە میوانە تایبەتەکان پێشتر لەو سیستەمە ناوەکانیان تۆمارکرابوون.

عارف باوەجانی سەرۆکی پارتی سەربەستیی کوردستان هەر لە ساڵی ٢٠ ١٢ بەردەوام لەو کۆنفرانسە ساڵانە رێگەی بەشداربوونی پێدەدراوە، لە زۆربەی کۆنفرانسەکان لە نزیکەوە لەگەڵ بەرسپە باڵادەستەکانی ناتۆ ئاشنایی درووستکردبوو، یا بە پێی کاتی ڕێگەپێدراو ناو کۆنفرانس دۆزی ڕەوای گەلەکەی باسکردووە، بۆ نموونە لە کۆنفرانسی ساڵی ٢٠ ١٨ بوو لەو سەردەمانەی کە وڵاتی تورکیا کە ئەندامی ناتۆیە هێرشی دەکردە سەر عەفرین، بەڕێز باوەجانی وەک تەنیا کوردێکی بەشدار لەو کۆنفرانسە ئەو پرسەی ڕووبەرووی سەرۆکی ناتۆ کردەوە، کە بە سەدانی میوانی گرنگی جیهانی سیاسی و دیپلوماسی و ئەمنی و ڕاگەیاندنی لێبوو، ئەو پرسیارەی ئەو کات سەرنجی زۆری بەشدارانی بۆخۆی ڕاکێشا.

لە بەشداری کۆنفراسنی ئەمسال کە لە ڕۆژانی ١ و ٢ ی فەبرواری ٢٠ ٢١ بەڕێوەچوو. پرسیارەکان تەنیا بە شێوەی دیگیتالی ئاراستە دەکران و لە شاشەکە پێشانی بەشدارنی وڵاتان دەدرا.

بەڕێز باوەجانی پرسیارەکەی لە سەر دەسکگیرکردنی دەیان لاوی کوردی، و لە سێدارەدان ٢٩ چالاکی کوردو نەتەوەکانی دیکەی بندەست لە لایەن ڕێژیمی ئێرانەوە، لە ڕێگەی شاشەوە ئاراستەی بەڕێز ئینە ئێریکسن وەزیری دەرەوەی نەرویج کرد، و داوای کرد کە هەڵویستی وڵاتەکەی لەو بوارەوە پێشان بدات.

ناوەندی ڕاگەیاندنی پارتی سەربەستیی کوردستان