پیرۆزباییە گەیشتووەکان، لە باشووری وڵاتەوە. بزوتنەوەی نوێبوونی کوردستان

بزووتنەوەی نوێبوونی کوردستان

 زور بەڕێز : عارف باوەجانی سەرۆکی گشتی پارتی سەربەستی کوردستان

زۆر بەڕێز: ئەنجومەنی سەرکردایەتی پارتی سەربەستی کوردستان

          پەیامی پیرۆزبایی

سڵاوی ڕزگاریی و سەربەخۆیی.......

 بە بۆنەی ساڵیادی دامەزراندنی پارتە تێکۆشەرەکەتان ( پارتی سەربەستیی کوردستان ) گەرمترین و جوانترین پیرۆزبایی خۆمان ئاراستەی بەڕێزتان و گشت ئەندام و دۆست و جەماوەرتان دەکەین ، ئومێدەوارین ئەم یادە هاندەر بێ بۆ زیاتر پێشکەوتنی خەبات و بەدیهێنانی ماف و داخوازییەکانی گەلی تێکۆشەری کوردستان.

ئەم یادە لە کاتێک دایە ، کە  رۆژهەڵاتی ناوەڕاست بە دۆخێکی سیاسی زۆر هەستیار و ئاڵۆز  تێپەڕ دەبێت ، کوردستانیش لەگەڵ هەڕەشە و پیلانی دەوڵەتە داگیرکەرەکانی کوردستان بەرەو ڕوو بۆتەوە ، بۆیە بزوتنەوەی نوێبوونی کوردستان بەهێزکردنی پەیوەندی لە نێوان حزبە سیاسییەکانی کوردستان ، وەک زەرورەتیی قۆناغەکە و بەرەنگاربوونەوەی سیاسەتی داگیرکاریی لێکدەداتەوە.

    هەر لەم بۆنەیەدا ، وێڕای دەربڕینی پیرۆزبایی دووبارەمان ، جەخت لە پەیوەندی دۆستانەی نێوان بزوتنەوەی نوێبوون و پارتی سەربەستی کوردستان دووپات دەکەینەوە.

لەگەڵ ڕێزماندا ....

   ئەنجومەنی سەرکردایەتی

بزوتنەوەی نوێبوونی کوردستان

 13-2-2022