سێ‌شه‌مه 27 گوڵان 2722

جیهان چاوەڕێی كورد دەكات


کوردستان ئەحمەد

ێوارەی ڕۆژی ٢٩ی مارچ، سەرۆكی حكومەتی هەرێمی كوردستان لە كۆڕبەندی ئابوری لە دووبەی گوتی:”هەرێمی كوردستان ئامادەیە غاز بداتە توركیا و عێراق و ئەوروپا” ئەو قسەیە

 

جیهان چاوەڕێی كورد دەكات








ئێوارەی ڕۆژی ٢٩ی مارچ، سەرۆكی حكومەتی هەرێمی كوردستان لە كۆڕبەندی ئابوری لە دووبەی گوتی:”هەرێمی كوردستان ئامادەیە غاز بداتە توركیا و عێراق و ئەوروپا” ئەو قسەیە لەكاتێكدابوو كە جەنگێكی گەورەی جیهانی بەرۆكی ئۆكرانیا و ڕووسیای گرتووە و شەڕەكەش وا پەلدەهاوێت بەرەو ئەورووپا، چونكە بەشێكی زۆری شەڕەكە پەیوەندی بە غازەوە هەیە كە ڕووسیا بۆ ئەوروپای دابین دەكات.







لەگەڵ ئەوەی لە ماوەی دوو هەفتەی كۆتای مانگی مارچدا شەڕەكەلەنێوان ڕووسیا و ئۆكرانیادا قوڵتر دەبوویەوە، سێ كۆڕبەندی گەورە لە توركیا و دووبەی و قەتەر بەڕێوەچوو، لە هەرسێكیشیاندا كورد لە ئاستی باڵادا بەشداری دەكرد و پێگەی خۆی هەبوو، باس لە پرسی غاز دەكرا، لەلایەكی دیكەشەوە ئەوروپا بۆ ئەوەی پێیەكانی لە ڕووسیا ببڕێت بەدوای سەرچاوەیەكی دیكەی غازو گازدادەگەڕێت.
كاتێك لە دووبەی سەرۆكی حكومەتی هەرێمی كوردستان بارزانی كوڕ ئامادەی وڵاتەكەی بۆ هەناردەی غاز بۆ ئەوروپا ڕادەگەیەنێت، ئێستا ئەوروپا دەیەوێت چی بكات و ئێران و ڕووسیاش كە غازەكەیان لە حەوشەی پشتەوەی خۆیان مەغزەن دەكەن چی دەكەن؟
كاتێك سەرۆكی هەرێمی كوردستان نێچیرڤان بارزانی سەردانی توركیای كرد باس لەوەكرا كە بە بۆڕی غازی كوردستان دەگەیەنرێتە توركیا و عێراقیەكانیش بەوەڕازی دەبن كە لە ڕێگەی بۆری هەرێمی كوردستانەوە غازەكەی خۆیان بگەیەننە توركیا و لەتوركیاشەوە دەگاتە ئەوروپا.
ئەوروپییەكان بەدوای بەدیلێكی باشی مۆسكۆدا دەگەڕێن، لەگەڵ ئەوەی لەگەڵ ئەمریكا ڕێككەوتوون گازی شل لە واشنتن بكڕن، بەڵام ئەو غازە هێندە تێچووی هەیە كەزۆر خراپ لەسەر باخەڵی ئەوروپییەكان دەكەوێت، ئێستا جارێكی دیكە هەرێمی كوردستان دەكەوێتەوە بەرچاوی ئەوروپییەكان كە گاز و پێداویستییەكانی دیكەیان لە كوردستانەوە فەراهەم بكەن.
پڕۆژەی ئاشتی ئەبراهام كە ئیسڕاپیل سەرپەرشتی دەكات كە بەواتای ئەوەدێت، فریشتەكانی بەنی ئیسڕائیل باڵە سپی و جوان و فراوانەكانیان بۆ گەلانی ناوچەكە كردوەتەوە و دەیانەوێت ئاشتی هەتاهەتای لە سایەی ئەبراهامدا ڕوولە ناوچەكە بكات، بریتییە لەوەی كە غاز و گاز و نەوتی وڵاتانی عەرەبی و ئیسڕائیل و كوردستانیش لەو هاوكێشەیەدا بەرەو ئەوروپا بڕۆن و لەسایەی ئەم ئاشتیەدا ئەورووپیەكان گەرمیان دەبێتەوە و باخەڵی ئێمەش پڕ لەپارە دەبێت و ئیتر ڕووسەكان و ئێرانیەكانیش هێندە بێمنەت نابن.
ڕووسیا و ئێران لە فریشتەكانی بەنی ئیسڕائیل و پڕۆژەی ئاشتی ئابراهام زۆر نیگەرانن، بۆیە پەیتا پەیتا یەكێكیان موشەك بە كێڤدا دەكات و ئەوی دیكەیان مووشەكەكانیان بۆ هەولێر دەنێرێت، چونە تێگەیشتوون ئەمجارە ئەبراهام پوڵو ڕۆبڵ لە تارانو مۆسكۆ دەبڕێت.
لە نەخشەی سیاسی و ئابوری نوێی جیهاندا ئەم جارە كوردەكان سیاسەتێكی نەرم و حەكیمانە و بەهێز دەكەن، توركیا لەبارەی كایە سیاسەكەوە نەرم و هێورترە، عێراق ناچاری قبوڵكردنی ئەو حەقیقەتەیە، ئێران كە نایەوێت قبوڵی ئەو گۆڕانكارییە دەكات، دووبارە ئامادەكاری بۆ ناردنی میوانی ناوەختی نیوەشەوی وەك فاتیح و كروز بۆ هەرێمی كوردستان دەكات.
گەر هاوكێشەی جەنگی ڕووسیا بۆ پۆتین بریتیبێت لەگەڕانەوەی عوزمای سۆڤیەت بێگومان بۆ ئەوروپا واتە كردنەوەی دەرگای نوێی وزە و بۆ كوردستانیش واتە كرانەوەی ئابوری جیهانی، ئەوە لەكاتێكدایە ئەم شەڕە بۆ ئێرانیەكان هیچ خێروبەرەكەتێكی نییە.
بەم شێوەیەش جیهان چاوەڕێی نەوەیەكی نوێی سیاسی و ئابوری دەكات لە ڕۆژهەلاتی ناوەڕاستتدا بۆ ئەوەی بتوانێت ئیدی لە سۆڤیەتی نوێ نەجاتی ببێت.

کوردستان ئەحمەد.  
سەرچاوە  هەرێم نیوز






photo
2022-03-31 18:53:08
1 مانگ و 11 کاتژمێر و 14 خوله‌ک ، پێش بڵاوکراه‌وه‌ته‌وه‌
ناوه‌رۆکی ئه‌م نووسینه‌ ڕاو تێبینی نووسه‌ره، ماڵپه‌ڕی پ.س.ک هیچ لێی به‌رپرسیار نییه
تاگ : ێوارەی,ڕۆژی,٢٩ی,مارچ،,سەرۆكی,حكومەتی,هەرێمی,كوردستان,لە,كۆڕبەندی,ئابوری,لە,دووبەی,گوتی:”هەرێمی,كوردستان,ئامادەیە,غاز,بداتە,توركیا,و,عێراق,و,ئەوروپا”,ئەو,قسەیە,

پارتی سه‌ربه‌ستیی کوردستان ©