به‌هرۆز گه‌ڵاڵی نوێنه‌ری یه‌کێتیی نیشتمانیی کوردستان له‌تورکیا رایگه‌یاند کورده‌کانی عیراق خوازیاری دروستکردنی ده‌وڵه‌تێکی کوردیین.
گه‌ڵاڵی له‌لێدوانێکدا بۆ ماڵپه‌‌ڕی "ئینته‌رنێت خه‌به‌ر" وتی: له‌کاتێکدا پرسیاری ئه‌وه‌ له‌هه‌ر کوردێک بکه‌ی ئایا ده‌وڵه‌تێکی کوردیت ده‌وێت یان نا? ئه‌وا به‌به‌ڵێ وه‌ڵامت ده‌داته‌وه‌.
وتیشی: ئه‌گه‌ر به‌ده‌ست ئێمه‌بێت ئه‌وا هه‌رئێستا ده‌وڵه‌تێکی کوردی دروستده‌که‌ین و له‌هیچ لایه‌نێکیش ناترسین.
به‌هرۆز گه‌ڵاڵی هۆکاری دروستنه‌کردنی ده‌وڵه‌تێکی کوردی له‌ئێستادا گه‌‌ڕانده‌وه‌ بۆ ئه‌وه‌ی که‌ سیاسیه‌کانی کورد درک به‌وه‌ده‌که‌ن که‌ بارودۆخی ئێستا گونجاو نیه‌.
وتیشی: له‌کاتێکدا ئه‌گه‌ر ده‌وڵه‌تی کوردیمان راگه‌یاند ئه‌وا هه‌ریه‌ک له‌سوریاو ئێران‌و تورکیا سنووره‌کانیان داده‌خه‌ن، ده‌وڵه‌تیش ته‌نها ناو نیه‌ به‌ڵکو بریتی‌یه‌ له‌ ئابووری و سیاسه‌ت و په‌یوه‌ندییه‌کانی ده‌ره‌وه‌.
له‌کۆتایی لێدوانه‌که‌یدا گه‌ڵاڵی دووپاتیکرده‌وه‌، هه‌رکاتێک توانای پێویستم هه‌بوو ئه‌وا ده‌وڵه‌ته‌که‌م دروستده‌که‌م.