هێرشی هێزه‌کانی کۆماری ئیسلامی بۆ سه‌رکرێکارانی خۆپێشانده‌ر له‌ سنه‌ 1,2007 هه‌واڵه‌ په‌یوه‌ندیداره‌کان خۆرهه‌ڵات نیوز: به‌بۆنه‌ی رۆژی جیهانی کرێکار، سه‌رله‌به‌یانی ئه‌مڕۆ کرێکارانی خۆپێشانده‌ری شاری سنه‌ که‌وتنه‌ به‌ر په‌لاماری هێزه‌کانی ئاسایشی کۆماری ئیسلامی. به‌پێی راپۆرتی هه‌واڵنێرمان، له‌م خۆپێشاندانه‌دا کۆمه‌ڵێکی زۆر له‌ کرێکاران و چین و توێژه‌ جۆربه‌جۆره‌کانی شاری سنه‌ به‌شدار بوون و بۆ به‌رده‌م دایه‌ره‌ی کار وه‌رێکه‌وتوون. کرێکارانی خۆپێشانده‌ر له‌ به‌یاننامه‌یه‌کدا وێڕای پیرۆزبایی رۆژی جیهانی کرێکار (1/5/2007) بۆ ده‌ربڕینی ناڕه‌زایه‌تیی خۆیان به‌رامبه‌ر به‌ هه‌ڵسووکه‌وتی کاربه‌ده‌ستانی کۆماری ئیسلامی له‌گه‌ڵ مافی کرێکار، پێداگریان کرده‌وه‌ له‌سه‌ر مافه‌ ره‌واکانی خۆیان. له‌م خۆپێشاندانه‌دا هێزه‌کانی ئاسایش به‌ توندی هێرشیان برده‌ سه‌ر کرێکاران و چه‌ند که‌سێکیشیان ده‌ستگیر کردووه‌. له‌ ریزی ده‌ستگیر کراوه‌کاندا تا کاتی ئاماده‌کردنی ئه‌م هه‌واڵه‌ ناوی "خالید ئه‌مانی" و "سدیق که‌ریمی" ده‌رکه‌وتوون. هه‌روه‌ها کۆمه‌ڵێک له‌ کرێکارانیان به‌ لێدان بردۆه‌ بۆ ئیتلاعات.