سه‌رچاوه‌یه‌ک له‌ نه‌خۆشخانه‌ی گشتی شارۆچکه‌ی زاخۆ ئاشکریکرد رایگه‌یاند که‌ ژماره‌ی قوربانیه‌کانی ته‌قینه‌وه‌که‌ی رێگه‌ی نێوان (بارزانکێ و عه‌ین زاله‌) بۆ 19 قوربانی به‌رزبۆوه‌.
سه‌رچاوه‌که‌ نه‌ویست ناوی ئاشکرا بکرێت له‌ لێدوانێکی تایبه‌ت بۆ ئاژانسی په‌یامنێر روونیکرده‌وه‌ له‌ کاتی جێ گۆڕکێی هێزێکی پێشمه‌رگه‌ی کوردستان له‌ رێگه‌ی نێوان (بارزانکێ و عه‌ین زاله‌) مینێکی چێندارو به‌ ئۆتۆمبلێکی کاروانه‌که‌دا ته‌قیوه‌ته‌وه‌ و له‌ ئه‌نجامدا 4 پێشمه‌رگه‌ گیانیان له‌ده‌ستداوه‌ و 15ی دیکه‌ش برینداربوون.

سه‌رچاوه‌که‌ گوتیشی: سه‌رجه‌م پێشمه‌رگه‌کان به‌ر ته‌قینه‌وه‌که‌ که‌وتوو خه‌ڵکی شارۆچکه‌ی زاخۆن بۆیه‌ کوژراو و برینداره‌کان گه‌یه‌ندراونه‌ته‌وه‌ نه‌خۆشخانه‌ی گشتی شارۆچکه‌که‌.
جێگه‌ی ئاماژه‌یه‌ پێشووتر ئاماری برینداره‌کان 12 که‌س راگه‌یه‌ندرابوو.