تاکو هه‌‌ڕه‌شه‌ی تورکیا له‌سه‌ر کوردستان بێت , له‌ کوردستان و هانده‌ران به‌ تایبه‌تیش شاری که‌رکووک و ناوچه‌ ته‌عریبکراوه‌کان , با هه‌موو ئاڵای کوردستان له‌سه‌ر ماڵه‌کانمان به‌رز بکه‌ینه‌وه‌


هه‌‌ڕه‌شه‌ی تورکیا بۆ سه‌ر سه‌روه‌ری کوردستان و ته‌شه‌نه‌کردنی بیرو کرداری تۆڕانی و په‌لاماری کوردان له‌ هانده‌ران , به‌ خۆپیشاندانه‌ جه‌ماوه‌رییه‌ سه‌رکه‌وتوانه‌کانی کورد له‌ ناوخۆی کوردستان و هانده‌ران وه‌ڵامی تونددرایه‌وه‌ , ناڕه‌زایه‌تیه‌کان باشترین نمایشی ڕه‌تکردنه‌وه‌ی تورکیا و پشتگیری جه‌ماوه‌ری بوو له‌ سه‌روه‌ری کوردستان و گه‌ریلاکانی پارتی کرێکارانی کوردستان .


له‌ پاڵ خۆپیشاندان و به‌رگری جه‌ماوه‌ری و بایکۆتی ئابووری دژ به‌ تورکیا , تا هه‌‌ڕه‌شه‌کان له‌سه‌ر کوردستان بێت , با هه‌موومان له‌ ناوخۆی کوردستان و هانده‌ران , به‌ به‌رزکردنه‌وه‌ی ئالای کوردستان له‌ بان ماڵ و په‌نجه‌ره‌ی ماڵه‌کانمانه‌وه‌ وه‌ڵامی هه‌‌ڕه‌شه‌ی و تورکه‌ فاشیسته‌کان بده‌ینه‌وه‌ .

با هه‌ریه‌که‌مان وه‌ک تاک به‌ به‌رزکردنه‌وه‌ی ئاڵای کوردستان, پرۆتستۆی هه‌‌ڕه‌شه‌ی تورکیا بکه‌ین و ئینتمای خۆمان بۆ نیشتمانی کوردستان ده‌رببڕین . ناوه‌ندی چاک 29-10-2007 www.chak.be [email protected] تێبینی : جگه‌ له‌م ئیمه‌یل و ئادره‌سه‌ , هه‌ر بڵاوکراوه‌و به‌یاننامه‌یه‌ک ناوی چاکیشی له‌سه‌ر بێت , په‌یوه‌ندیی به‌ ئێمه‌وه‌ نییه‌