کۆنگره‌ی نه‌ته‌وه‌یی کورد له‌ باکووری ئه‌مریکا
13.فێڤرییه‌، 2008
به‌‌ڕێز عارف باوه‌جانی
پارتی سه‌ربه‌ستی کوردستان
ئۆسلۆ، نۆروێژ

به‌‌ڕێز کاک عارف

له‌ جیاتی سه‌رکردایه‌تی، ئه‌ندامان و لایه‌نگرانی کۆنگره‌ی نه‌ته‌وه‌یی کورد له‌ باکووری ئه‌مریکا، پیرۆزبایی به‌ستنی دووه‌مین ساڵیادی دامه‌زراندنی پارتییه‌که‌تان لێده‌که‌م.

ئامانج و ئاواته‌کانی پارتییه‌که‌تان هاوته‌ریبه‌ له‌گه‌ڵ ئامانجه‌کانی ئێمه‌. ئه‌مڕۆ ئیدیۆلۆیی ئازادکردن و یه‌کگرتووکردنی نه‌ته‌وه‌که‌مان له‌ هه‌موو کاتێک پێویستتره‌. دوژمنه‌کانمان یه‌کیان گرتووه‌ تا بتوانن جووڵانه‌وه‌ی به‌هێزی ناسیۆنالیزمی کورد په‌ک بخه‌ن، له‌کاتێکدا که‌ نه‌ته‌وه‌که‌مان له‌ هه‌موو کاتێک زیاتر بڵاو و به‌ش به‌شه‌.

ئێمه‌ داواتان لێده‌که‌ین که‌ مه‌سه‌له‌ی چۆنییه‌تیی یه‌کخستنی نه‌ته‌وه‌که‌مان و چۆنییه‌تیی ڕێکخستنه‌وه‌ی ماڵی کورد بکه‌نه‌ ته‌وه‌ری سه‌ره‌کیی کۆنفراسه‌که‌تان. توانامه‌ندیی نه‌ته‌وه‌که‌مان له‌ یه‌کگرتووییه‌که‌یدایه‌، بێتو به‌م یه‌که‌ نه‌گه‌ین نه‌ته‌وه‌که‌مان به‌ لاوازی ده‌مێنێته‌وه‌ و ناتوانین ئاره‌زووه‌کانی گه‌له‌که‌مان وه‌دی بهێنین.

سه‌رکه‌وتنتان به‌ ئاوات ده‌خوازین و خودا کورد وکوردستان بپارێزێت

دڵسۆزتان

دوکتۆر سامان شاڵی
سه‌رۆکی کۆنگره‌ی نه‌ته‌وه‌یی کورد له‌ باکووری ئه‌مریکا

www.kncna.org